17.9 C
Pontevedra
Mércores, 5 de Outubro de 2022
Máis
    HomeA ParadantaCoveloCovelo inicia o proceso para a recuperación do espazo público coa axuda...

    Covelo inicia o proceso para a recuperación do espazo público coa axuda da Deputación

    A presidenta Carmela Silva e o alcalde Juan Pablo Castillo asinaron o convenio por valor de 415.000 € para configurar un novo espazo amable e seguro en Paraños

    A Deputación de Pontevedra e o Concello de Covelo deron hoxe o primeiro paso para a recuperación e mellora do espazo público en Paraños, unha actuación que se desenvolverá nunha área de máis de 2.600 metros cadrados e que permitirá ao municipio configurar un espazo amable e seguro no núcleo rural. A presidenta provincial, Carmela Silva, e o alcalde, Juan Pablo Castillo, asinaron hoxe o convenio para a execución destas obras, enmarcadas no Plan Provincial ReacPon e cuxo orzamento total ascende a 415.000 euros, dos que a Deputación achegará  373.500 €. O proxecto permitirá á veciñanza de Covelo desfrutar de ata un 88,5% máis de espazo peonil en Paraños a través da posta en marcha dun lugar accesible, de calidade, que promove a mobilidade natural, activa e sostible.

    A presidenta, Carmela Silva, puxo en valor o proxecto “moi ben deseñado, esteticamente moi coidado e cunha enorme calidade urbana” que vai permitir converter a Covelo nunha vila “moi atractiva tanto para a súa veciñanza como para as persoas que decidan vir visitar ou vivir nela”. Tamén remarcou a aposta que o goberno local está a facer para transformar o espazo público, poñendo como exemplo outras iniciativas realizadas na vila con achegas da Deputación como a praza de Barciademera.

    Lembrou que os dous grandes obxectivos do Plan ReacPon son impulsar unha “política económica expansiva dedicando recursos públicos a promover inversións para dinamizar a actividade económica” e “poñer a disposición dos concellos recursos extraordinarios para poder facer realidade os seus soños e grandes proxectos”. Neste senso, a presidenta felicitou aos alcaldes e alcaldesas da provincia pola súa “capacidade transformadora das súas cidades, vilas e pobos” e reivindicou a “eficiencia” do mundo local facendo un chamamento “ao resto das administracións para que conten máis con nós: precisamos unha financiación adecuada e unhas competencias ben definidas, porque somos grandes xestoras e xestores”.

    Pola súa banda, o alcalde Juan Pablo Castillo agradeceu o apoio da institución provincial e amosou a súa satisfacción por asinar “convenios por este importe, ogallá puidésemos asinar moitos máis así. Sen a axuda da Deputación de Pontevedra sería imposible facer este tipo de actuacións”. O alcalde enmarcou a actuación que se vai desenvolver en Paraños nas “políticas que o goberno municipal está levando a cabo para acondicionar espazos públicos rurais para que teñan os mesmos servizos e calidade estética e construtiva que os espazos urbanos”. Castillo puxo como exemplo, ao igual que Carmela Silva, a praza de Barciademera e destacou que este novo proxecto que se vai impulsar coas achegas do plan ReacPon servirá para continuar “co mesmo estilo arquitectónico e preferencia peonil” das outras actuacións iniciadas na vila.

    O proxecto

    A recuperación do espazo público de Paraños permitirá mellorar o espazo público do núcleo rural incrementando ata un 88,5% o seu espazo peonil e configurando un espazo amable e seguro, que permita a autonomía infantil e fomente a economía de proximidade. A actuación contempla a creación dunha zona de prioridade peonil, con medidas de calmado de tráfico como redutores físicos de velocidade e novos pavimentos; novo mobiliario urbano, como bancos de granito, varandas e aparcadoiros de bicicletas; e tamén novas especies vexetais. Amais apostarase por iluminación eficiente, que permitirá delimitar a zona de estancia peonil e diferenciala doutros espazos, soterraranse as redes de telecomunicacións e reformarase a rede de recollida e evacuación de augas pluviais.

    O Plan da Deputación ReacPon, dotado con 26,3 millóns de euros, beneficiará a 47 concellos da provincia de menos de 50.000 habitantes. Contou con bases esixentes e criterios obxectivos, aberto a proxectos maduros que contribúan a unha economía descarbonizada e á consecución dos obxectivos fixados na Axenda 2030 e nos fondos europeos. O programa suporá nestes concellos, ao longo do próximo ano e medio, a execución de ata 25 actuacións de mobilidade segura, tres novas bibliotecas, cinco reformas de casas consistoriais, cinco reformas de espazos culturais, a ampliación ecolóxica dun cemiterio, e oito novas infraestruturas deportivas.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS