Belén Carballo, nova concelleira do BNG en Covelo

Laura Santiso é a nova Portavoz Municipal do Bloque na localidade

Belén Carballo, nova concelleira do BNG de Covelo

O BNG vén de renovar o seu grupo municipal na localidade de Covelo. Belén Carballo tomou posesión no Pleno da corporación como nova concelleira do Bloque, en substitución do exportavoz municipal Alex Osorno. A nova portavoz municipal será a actual concelleira Laura Santiso.

Belén Carballo, licenciada en Socioloxía e Antropoloxía, asegurou que afronta esta nova etapa “con ilusión e responsabilidade para continuar o traballo serio, rigoroso e construtivo que vén realizando historicamente o BNG en Covelo, defendendo os intereses do conxunto da veciñanza e propondo solucións aos seus problemas ante un goberno municipal paralizado, sen iniciativa e sen ideas”.

Ademais, a formación nacionalista quixo agradecer “o traballo de Alex Osorno durante estes anos liderando o Grupo Municipal do BNG, así como a súa disposición de dar un paso á fronte encabezando a candidatura no pasado 2015”, asegurando que o BNG continuará contando coa súa participación no seo da organización.