O domingo día 13 ás 20:30 horas as mozas solteiras xogarán contra as mulleres casadas no campo de fútbol de Covelo. A entrada é de balde e antes, ás 19:30, farao o Covelo Club de Fútbol.
Hai moito tempo que as mulleres de Covelo querían recuperar unha actividade que as unía unha vez ao ano, o seu partido de fútbol. Aquel que xogaban cadrando coas festas da Nosa Señora das Dores. Este domingo convidan a toda a veciñanza a acompañalas dende as gradas e participar así na recuperación dunha actividade de longa tradición que levaba anos perdida.