10 C
Pontevedra
Venres, 1 de Marzo de 2024
Máis
    HomeA ParadantaArboUn veciño de Arbo gaña o premio á Mellor Foto do Ano...

    Un veciño de Arbo gaña o premio á Mellor Foto do Ano 2020

    Rodrigo Novoa, veciño da parroquia de  Barcela, en Arbo, recibía o pasado 26 de abril, na I Gala de Calidade Turística no Destino Sicted Condado-Paradanta, o primeiro e segundo premio na categoría foto diurna e o premio á “Mellor foto do ano 2020” do II Concurso Fotográfica do Condado Paradanta, con fotografías da vila de Arbo.

    Rodrigo Novoa, veciño de Arbo, é un afeccionado á fotografía e colaborador do Concello de Arbo, realizando fotos polo municipio arbense para dar a coñecer as belezas que esta vila fronteiriza con Portugal ofrece ao visitantes.

    As súas tres fotografías premiadas foron tomadas dende o Mirador de San Fins en Arbo, un lugar ideal dende donde se pode ver todo o municipio e parte da comarca.

    “Sempre me gustou as fotografía, presenteime o concurso animado por uns amigos e tamén para mostrar con orgullo o meu pobo”, afirma o gañador, Rodrigo Novoa. “Gañar foi algo que non me esperaba e agradezo a todos e todas as que me votaron e conseguiron que acadase estos tres premios”.

    Rodrigo recibía o premio á mellor fotografía 2020, da man de Alfonso Rueda, Vicepresidente primeiro e conselleiro de Presidencia, Xustiza e Turismo e o alcalde de Arbo, Horacio Gil.

    “É un orgullo como alcalde que tres fotos de Arbo fosen as gañadoras e que o premio recaíse sobre Rodri, un veciño arbense, que ademáis é colaborador do Concello de Arbo”, manifesta o alcalde, Horacio Gil.

    “Para o Concello e os arbenses é unha ledicia ver como a xuventude, mostra interese  por ensinar o lugar tan fermoso no que temos o pracer de virvir”, remata o rexedor, Horacio Gil. Rodrigo Novoa tamén colaborou este ano con fotografías e un artigo no libro que cada ano edita o Concello de Arbo, co gallo da Festa da Lamprea.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.