10 C
Pontevedra
Venres, 1 de Marzo de 2024
Máis
    HomeA ParadantaArboSe somete a información pública o proxecto de mellora da seguridade viaria...

    Se somete a información pública o proxecto de mellora da seguridade viaria do antigo trazado da estrada PO-400, no concello de Arbo

    As achegas a este proxecto poderán formularse desde mañá e ata o 14 de xuño

    A Consellería de Infraestruturas e Mobilidade publica hoxe no Diario Oficial de Galicia (DOG) o anuncio polo que se somete a información pública o proxecto de acondicionamento e mellora da seguridade viaria do antigo trazado da estrada PO-400, no concello de Arbo.

    O obxectivo desta actuación de reforzo da seguridade viaria é o acondicionamento e mellora do trazado antigo da citada PO-400 mediante a rehabilitación do firme e a execución de beirarrúas e sendas nos treitos urbanos, así como o acondicionamento das interseccións inicial e final da estrada e a creación dunha rotonda na contorna do punto quilométrico 24 da estrada actual.

    Este proxecto conta cun investimento de preto de 1,2 millóns de euros e precisa da expropiación de 62 predios, cun orzamento estimado en 72.000 euros.

    As persoas que o desexen poderán formular observacións e achegas ao proxecto desde mañá e ata o vindeiro día 14 de xuño. No seguinte enlace ao DOG pódese ampliar a información deste procedemento: https://xurl.es/k74o4.

    Máis en detalle, o proxecto do departamento de Infraestruturas da Xunta inclúe  a execución dun novo tramo de conexión, desde a antiga estrada ata a citada glorieta proxectada no punto quilométrico 24+000 da actual PO-400, así como o acondicionamento do acceso á glorieta proxectada, desde a estrada que discorre en dirección ao núcleo do Picoto.

    Tamén se prevé a execución dun carril de parada de autobús e colocación dun refuxio no punto quilométrico 24+240 da PO‐400, e a construción dunha zona de aparcadoiro entre os puntos quilométricos 1+250 e 1+300 da PO‐400A.

    Destaca tamén na intervención, a mellora da seguridade peonil no antigo trazado da PO‐400, mediante a execución dun itinerario peonil cun ancho de 1,80 m, incluído bordo, e unha rígola de 0,30 m entre a estrada e dito bordo, na maioría do seu trazado.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.