Reinventando o Nadal en Arbo: o Carteiro Real estará en todas as parroquias

O coronavirus forzará modificacións profunda no Nadal Cultural de Arbo, pero se  buscaron fórmulas para que non diminúan unhas festas tan importantes e que a máxia do Nadal viva nos corazóns de todos e sobre todo nos nenos e nenas de Arbo.

Con tal motivo, e seguindo coa tradición de todos os anos o carteiro real visitará Arbo para recoller as cartas dos cativos arbenses e que posteriormente serán entregadas aos reis magos.

Evitando a toda costa las aglomeracións e para seguir as recomendacións sanitarias, e para preservar a saúde de todos os veciños e veciñas de Arbo, serán seis os carteiros reais que se instalarán nas igrexas parroquiais e atenderán as demandas dos pequenos arbenses.

“As actividades de Nadal celébranse da mellor maneira posible nas circunstancias actuais, evitando todos os riscos posibles e con todas as garantías de seguridade, pero pensando sempre na ilusión dos máis cativos de Arbo, que xa levan sufrido moito durante todo o ano”  manifesta o alcalde Horacio Gil

 Os carteiros reais estarán O día 2 de xaneiro ás 17:00h. na Igrexa Parroquial Santa Mariña de Sela e  ás 12:00h. na Igrexa san Sebastian de Cabeiras,   e ó día 3 de xaneiro ás 12:00h. na Igrexa Santa Maria de Arbo , ás 13:00h. na Igrexa  San Xoan de Barcela, ó finalizar a  misa das 13:00 h. na Igrexa San Miguel de Cequeliños e ó finalizar a misa das 11:00h. na Igrexa San Cristovo de Mourentan, recollerán as cartas dos nenos e nenas e repartirán paquetes entre os participantes.

Dende o Consistorio rogase que se adopten as medidas covid, que se eviten aglomeracións, que soamente sexa un adulto o que acompañe ao neno ou nena, que se manteñan as distancias de seguridade e que se ateñan as recomendacións  dos voluntarios e voluntarias que estarán velando pola seguridade de todos e todas – insite o rexedor Horacio Gil.

from to
Scheduled Arbo