18.2 C
Pontevedra
Luns, 17 de Xuño de 2024
Máis
    HomeA ParadantaArboO delegado territorial da Xunta en Pontevedra visita a Casa do Maior...

    O delegado territorial da Xunta en Pontevedra visita a Casa do Maior de Arbo acompañado polo alcalde Horacio Gil

    Política Social agarda aumentar a oferta de Casas do Maior na provincia coa convocatoria de 5,3 millóns de euros para este ano

    O delegado territorial da Xunta en Pontevedra, Luis López, e o director xeral de Maiores e Persoas con Discapacidade, Fernando González Abeijón, visitaron onte Arbo para, xunto co alcalde Horacio Gil, visitar casa do maior emprazada no lugar de Sela desde o ano 2019 e que atende na actualidade a tres usuarios.

    A Consellería de Política Social agarda aumentar este ano a oferta de casas do maior na provincia de Pontevedra, que na actualidade dispón das de Arbo e Pazos de Borbén, coa nova convocatoria para a súa apertura, aprobada o pasado xoves polo Consello da Xunta e que conta cun orzamento de 5,3 millóns de euros.

    A Xunta aspira a cuadriplicar este servizo en toda a comunidade, pasando dos 20 centros existentes a máis de 80 coa posta en funcionamento de 63 novos grazas a un investimento de 945.000 € para adecuación das casas, cun máximo de 15.000 € por centro, e 4,4 millóns de euros para o seu funcionamento, cunha achega individual de 19.600 € por exercicio garantidos ata o ano 2023.

    Flexibilización dos requisitos

    “Temos a firme intención de seguir reforzando este servizo, que mistura conciliación, coidados, socialización e esparcemento, xa que unificamos unha dobre convocatoria con 30 casas do ano 2020, cuxa resolución quedou aprazada pola pandemia, e outras 33 deste ano”, detallou Fernando González, que engadiu que as solicitudes presentadas do pasado exercicio non terán que volver a concorrer agás en caso de renuncia.

    O director xeral explicou ademais que as posibilidades serán superiores, “xa que se amplía o número de concellos que a poden solicitar, posto que ata a data eran os de menos de 5.000 habitantes, pero agora poderán facelo todos os que non teñan un centro de día ou prestación similar”. Así mesmo, tamén se amplía o perfil de usuarios, pasando de dependentes de grao I e II a incluír tamén a persoas autónomas “para facilitar a conciliación dos seus coidadores” e se financian os desprazamentos, ofrecendo a Xunta 5 euros diarios por persoa e día aos promotores destas casas.

    Pola súa banda, Luis López destacou a “forte aposta da Consellería de Política Social polo coidado e o benestar dos maiores” con este formato de casas e puxo como exemplo a instalación de Arbo, que leva funcionando, da man de Sorema Sociedade Cooperativa Galega, dende hai tres anos grazas a unha achega de 85.300€, que se dividiu en 15.000€ de investimento para o inmoble, 11.500€ para transporte e 58.800€ para o seu funcionamento ordinario.

    “É un servizo de gran importancia en concellos pequenos, rurais, de interior ou que carezan desta prestación, polo que agardo que haxa unha boa resposta por parte de concellos e promotores e se incremente exponencialmente a oferta na nosa provincia”, manifestou o delegado territorial, que lembrou que as condicións para os usuarios son “inmellorables”, xa que se trata dun servizo gratuíto, que pode albergar un máximo de cinco persoas ata un límite de oito horas diarias de luns a venres, que conta con flexibilidade no acceso e que ademais ten seguridade e calidade, posto que os responsables deben dispoñer de formación ou experiencia profesional específica.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.