8.7 C
Pontevedra
Venres, 1 de Marzo de 2024
Máis
    HomeA ParadantaArboDous miradoiros con vistas ao río Miño en Arbo

    Dous miradoiros con vistas ao río Miño en Arbo

    Mirador do Bravo e Mirador de Amieira, balcóns naturais que permiten contemplar a beleza das Ribeiras do Miño en Arbo

    Os miradoiros do Bravo e a Amieira, sobre o río Miño en Arbo, son puntos estratéxicos de encontro visual coa natureza que tiveron moitas transformación ao longo do tempo. Os  novos miradoiros sitos no Sendeiro de Pescadores, integrados na paisaxe da Ribeira do Miño, son postos en valor pola colocación de dous bancos, que non rompen a naturalidade do entorno e que permiten contemplar a paisaxe, percibir unicamente o son das augas do río e relaxarse sentindo o aire no rostro.

    Son moitas as formas de coñecer e desfrutar Arbo para renovar enerxías en contacto coa natureza. Percorrer sendeiros cheos de vida que descobren un Arbo máxico, abondoso de historia e de recunchos únicos.

    O Miradoiro do Bravo e o Miradoiro de Amieira,  son balcóns naturais que permiten contemplar a beleza que as augas do Miño deixan ao seu paso. Uns lugares ideais estes dous miradores para desconectar, relaxarse e soñar.

    Miradoiro do Bravo

    Para o alcalde do Concello de Arbo, “Arbo é patrimonio. Cun paseo ao longo do Miño, polo Sendeiro de Pescadores,  descubriremos ás  pesqueiras, exemplos de arquitectura popular usadas aínda hoxe para a pesca artesanal da  lamprea” e este sentimento o quere transmitir a Galicia, España….. e ofrecer ao visitante novos recursos turisticos.

    Camiñando río arriba,  polas ribeiras do Miño das augas bravas, permite localizar e converter as pesqueiras e a súa onomástica nunha aula interpretativa de xeografía, historia, lingua e cultura: un espazo de convivencias galego-portuguesas que compre recuperar, protexer e revitalizar e no Miradoiro do Bravo e o Miradoiro de Amieira se poderán descubrir novas formas de contemplar e amar a natureza.

    “O Concello acaba de rematar a mellora do Sendeiro de Pescadores, e están en marcha algún proxecto máis de recuperación do patrimonio histórico e cultural deste municipio. Arbo, é o lugar ideal que atrae cada ano a miles de visitantes, atraídos polo patrimonio, natureza, deporte, gastronomía…. e dende o Concello debemos seguir pondo en valor todo este patrimonio” remata o rexedor arbense, Horacio Gil.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.