21.5 C
Pontevedra
Venres, 27 de Maio de 2022
Máis
    HomeA ParadantaArboCrece a preocupación en Arbo ante a decisión do Goberno Central de...

    Crece a preocupación en Arbo ante a decisión do Goberno Central de manter o trazado da liña de alta tensión polo concello

    Dentro da Planificación Eléctrica 2021-2026 aprobada polo Consello de Ministros no mes de marzo, a Interconexión España – Portugal figura recollida dentro das prioridades do Goberno de España e teñen previsión de poñela en servizo antes de 2024, polo que o Partido Popular de Arbo, presentou o 25 de marzo de 2022 unha moción ao pleno para aprobar o rexeitamento a que trazado algún pasase polo municipio de Arbo.

    O Pleno de data 28 de marzo de 2022 aprobou a moción presentada polo Partido Popular de Arbo e adoptou, por seis votos a favor, do alcalde-presidente e os dos cinco concelleiros do grupo municipal do PP, e coas catro abstencións dos concelleiros do grupo municipal de AGRELAR, no que se recollían as seguintes propostas: Rexeitar calquera trazado de Interconexión que afecte ao termo municipal de Arbo, preguntarlle ao Goberno de España se admite a posición unilateral de Portugal sobre o proxecto referido á LAT 400kV, en especial no referente ao punto de conexión con Galicia-España, instar ao Goberno de España a que achegue un trazado alternativo que non prexudique aos veciños e veciñas de Arbo e As Neves, instar tanto á Deputación de Pontevedra como á Xunta de Galicia a realizar estas mesmas solicitudes ante o Goberno de España e instar aos partidos políticos galegos con representación, tanto no Congreso como no Senado, a presentar iniciativas para que o Goberno de España teña en conta os dereitos dos veciños e veciñas de Arbo e As Neves.

    O Partido Popular na súa moción apela a facer unha fronte común desde Arbo e desde Galicia na defensa dos intereses e dereitos da veciñanza. Precisamos dunha resposta unánime de todos os axentes públicos e sociais de Arbo.

    “Tendo en conta que a decisión final sobre o proxecto depende do Goberno de España, desde o Concello de Arbo seguiremos insistindo en que se debe escoitar aos veciños da vila que din non a esta liña de alta tensión”, informa o alcalde de Arbo, Horacio Gil.

    O BOE do martes 26 de abril de2022, publicaba a resolución de 8 de abril de 2022, da Dirección General de Calidade y Evaluación ambiental do Goberno de España, pola que se formula declaración de impacto ambiental do proxecto “Interconexión norte con Portugal”.

    Á vista das últimas novas publicadas no BOE o 26.04.2022, o alcalde de Arbo, Horacio Gil, mantivo unha reunión a día de hoxe con representantes de ambas as dúas asociacións de afectados para fixar a folla de ruta a seguir, na  que se acordou solicitar unha reunión á Subdelegación do Goberno e ao Ministerio de Transición Ecolóxica a que acudirá o alcalde e un representante das asociacións de afectados.

    O rexedor da vila mostra un profundo pesar e preocupación e manifesta que “seguiremos apoiando aos veciños e de Arbo e insistindo en que os arbenses non queren que ningún trazado pase polo noso territorio. Contamos co apoio explícito da Xunta de Galicia, aínda que a decisión é do Goberno de España, tal e como se lle ten traslado ao alcalde, que mantén un contacto permanente coa administración autonómica, así como un espírito colaborativo e de unión tanto co concello das Neves como cos municipios do norte de Portugal que tamén están afectados”.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS