O Magosto Popular, organizado polo Concello de Arbo, que xa vai pola súa sétima edición, terá lugar o vindeiro domingo 18 de novembro a partir das 18:00 horas na praza do Concello.
Espérase unha gran asistencia de veciños da vila e moitos visitante doutras zonas, atraídos por unha festa tradicional que arraiga a cultura popular galega.
A esencia deste magosto segue sendo a mesma que outrora, todo vira contorna ás castañas asadas e os chourizos, que o Concello ofrece de forma gratuíta, acompañados da música tradicional galega ofrecida por grupos folclóricos de Arbo.
En palabras do alcalde de Arbo, Horacio Gil Expósito, «esta festa tradicional, que foi recuperada coa chegada do actual goberno, está a ser un evento moi concorrido no que tanto os veciños como os visitantes poden gozar do manxar típico do outono e tamén dun ambiente moi agradable».
Un total de 30 quilos de chourizos e 80 quilos de castañas foron asados de forma tradicional na pasada edición.
Dende o Concello de Arbo, recordan que Arbo e un municipio ao que vir durante os meses do Ano, e convidan a todos/as a pasar unha tarde divertida degustando castañas e chourizos.
