8.7 C
Pontevedra
Venres, 1 de Marzo de 2024
Máis
    HomeA ParadantaArboArbo inicia as obras de mellora do Pavillón Polideportivo Municipal

    Arbo inicia as obras de mellora do Pavillón Polideportivo Municipal

    O importe das obras ascenden a 46.933,12 € e serán realizadas por unha empresa local

    O Concello de Arbo iniciará a segunda segunda fase das melloras no Pavillón Polideportivo Municipal logo do convenio asinado, o pasado 15 de xuño, entre o Concello e a Secretaría Xeral para o Deporte da Xunta de Galicia. Os traballos mellorarán a cuberta, deteriorada co paso dos anos, e que permitirá frear as filtracións de auga no interior do edificio e reparar os danos existentes ata o momento.

    Ao mesmo tempo, unha vez rematadas as obras impedirase que se siga deteriorando esta infraestrutura deportiva que, amais de supoñer un risco para usuarias e usuarios, supuña un gasto considerable en mantemento.

    Á vista da memoria técnica redactada polo arquitecto municipal, en varias zonas da cuberta do pavillón aprécianse os efectos das filtracións de auga, que se suman aos derivados polo uso das instalación e o envellecemento dos materiais. Os danos existentes consisten principalmente en charcos de auga en pavimento, deteriorando o mesmo e producindo manchas de humidade en teitos e paredes de vestiarios.

    A intervención pódese resumir nos seguintes apartados:

    • Cambio de cumieira
    • Cambio de paneis de policarbonato.
    • Cambio de canalóns e cuberta de vestiarios.
    • Saneado dos revestimentos danados polas humidades e aplicación de novo revestimento.
    • Pintado de todas as paredes e teitos afectados.
    • Limpeza e selaxe perimetral das carpinterías exteriores.

    A necesidade da actuación “vén determinada pola importancia da instalación na promoción da práctica de actividade física e deportiva entre a poboación do Concello da Arbo en xeral”, apunta o alcalde de Arbo, Horacio Gil ao que engade que a actuación “é imprescindible para continuar co uso do pavillón e para que non se creen deterioros maiores”. Ao mesmo tempo, o rexedor local sinala que “coa contratación das obras a empresas locais, pretendese reactivar a economía deste colectivo afectado polo COVID-19”.

    “O investimento enmárcase no compromiso da Xunta de Galicia de favorecer aos pequenos concellos e de seguir impulsando o deporte entre todos os colectivos”, remata o alcalde de Arbo que agracede “a colaboración da administración autonómica e na sensibilidade mostrada con este Concello nos ultimos anos, tendo en conta que se realizaron varias obras en distintos locales deportivos coas achegas da administración autonomica”.

    Nese sentido cómpre salientar que no ano 2019, “tamén se asinaba un convenio con esta nadministración para realizar tamén obras nos vestuarias neste edificio municipal e a colocación de porterias no campo de futbol”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.