O Concello de Arbo tramitou, ante a Dirección Xeral da Administración Local, unha achega para a obtención dunha subvención 39.959,97 € (IVE do 21 % incluído que ascende a 6.935,20 €), para a actuación denominada “RENOVACIÓN DE RED DE ABASTECIMIENTO EN CUARTO TRAMO DESDE AS CORVACEIRAS HASTA PORTELA, PARROQUIA DE SAN CRISTOVO DE MOURENTAN, ARBO”.
Ante a intención de tramitar estas obras que teñen un importe de contratación de 39.959,97 e o desexo de esta administración de arranxar as problemáticas no barrio do Cuarto-Mourentan co abastecemento, e decide renovar a tubaxe existente, entre a arqueta 5 e a arqueta 7, mediante a reposición da mesma, repoñer as válvulas de corte, as válvulas redutoras de presión e unha nova ventosa trifuncional (instalada nun novo pozo nun punto alto) e ademais, renovar as acometidas domiciliarias.
Obras
As obras consistirán na construción dunha rede abastecemento de subministración de auga potable para substituír á actual rede de abastecemento en mal estado.
Realizaranse os correspondentes replanteos para definir o trazado adecuado da nova rede e para manter o servizo ata a finalización dos traballos e poida cambiarse a subministración á rede reposta. A tubaxe existente discorre principalmente polo lado dereito do camiño en sentido cara ao núcleo de Portela. Aínda que nas proximidades da arqueta na que está situada a ventosa, a tubaxe cruza o vial, pasando a estar pola marxe esquerda. A tubaxe nova instalarase evitando coincidir coa que está instalada, de tal forma que non se produzan afeccións á subministración de auga na zona, mantendo a tubaxe existente sempre en servizo ata que ao final da obra realícense as conexións coa nova condución.
