O Concello de Arbo, contratou a pasada semana os servizos dunha empresa especializada para a desinfección con ozono dos vehículos municipais, o camión do lixo e os taxis do municipio.
O Concello quepreside Horacio Gil puxo a disposición dos servizos publicos a desinfección con ozono como unha medida de prevención de contaxio do COVID-19. O ozono é, segundo o Concello de Arbo, “clave para loitar contra a COVID-19” porque é un desinfectante natural que elimina virus, fungos e bacterias.
O Concello de Arbo está a desenvolver un plan de loita contra o coronavirus, repartindo pantallas protectoras, xel, luvas e outro material de protección entre todos os colectivos e o comercio local, que teñen que permanecer o público, cun seguimento a todos os sectores.
Agora, con este servizo de desinfección, garántese a mobilidade de todos os veciños e veciñas de Arbo de forma segura en taxi. O Goberno local amosou a súa intención de “seguir axudando aos que están todos os días nesa primeira ou segunda liña de loita contra o coronavirus”, di o alcalde Horacio Gil.
“Seguiremos traballando pouco a pouco e poñendo todo o noso esforzo en axudar a todos os colectivos e ao comercio local para así entre todos superar esta crise sanitaria”, engade o alcalde de Arbo.
