8.5 C
Pontevedra
Xoves, 28 de Marzo de 2024
Máis
    HomeA ParadantaArboArbo celebra o entroido cun desfile de comparsas

    Arbo celebra o entroido cun desfile de comparsas

    O Concello de Arbo convoca, dentro das actividades programadas para o “Entroido 2023”, un Desfile de Comparsas para o vindeiro día 19 de febreiro. As persoas que desexen participar deberán anotarse nas oficinas do concello ou a través do persoal municipal identificado (ata unha hora antes do inicio do desfile).

    Para as comparsas de 15 ou máis membros, establécense 4 premios. A que obteña maior puntuación recibirá un premio de 450 euros. A segunda , un premio de 225 euros. A terceira un premio de 100 euros e a cuarta percibirá un premio de 50 euros.

    Para as comparsas de 5 a 14 membros establécense tamén 4 premios. A que obteña maior puntuación recibirá un premio de 130 euros. A segunda, un premio de 70 euros. A terceira un premio de 30 euros e a cuarta recibirá tamén un premio de 30 euros.

    Para as comparsas infantís (15 ou máis membros menores de 12 anos) establécense, de igual xeito, 4 premios. A que obteña maior puntuación recibirá un premio de 140 euros. A segunda, un premio de 70 euros. A terceira e a cuarta recibirán un premio de 30 euros cada unha.

    Por último, para a mellor máscara estableceranse tamén 4 premios. Un primeiro premio de 70 euros. O segundo será de 35 euros. O terceiro e cuarto premio será agraciado con 20 euros para cada un.

    O desfile sairá ás 17.30 horas da Carballeira de Turbela. Ano tras ano, o percorrido ata a Praza do Concello é todo un éxito, contando con distintos espectáculos protagonizados polas comparsas e os colaboradores. Na lista de participantes sempre hai anotadas formacións chegadas doutros concellos limítrofes e mesmo de Portugal.  

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.