O Concello de Arbo, vai a recibir de SOGAMA 50 composteiros que teñen por obxecto estender as prácticas de autocompostaxe a distintas vivendas unifamiliares do municipio de cara a lograr unha xestión máis sostible do lixo. O obxetivo é por unha parte, reforzar a mensaxe dos beneficios do compostaxe caseiro, e por outra banda, apostar polo compostaxe a fracción orgánica producida nas vivendas e reducir a entrada no circuíto de xestión do lixo do concello de calquera tipo de residuo orgánico biodegradábel.
No ano 2020 o Concello repartiu un total de 60 composteiros entre a poboación, e dado a demanda que existe, pola alcaldía trasladouse a SOGAMA as peticións, o que dende a entidade galega, entregaran 50 composteiros máis.
Para participar no proxecto é requisito residir no Concello de Arbo. As persoas interesadas en obter algún dos composteiros deberán solicitalo nas oficinas municipais do Concello de Arbo, de luns a venres en horario de 8:00 a 15:00horas e serán entregados por orden de Rexistro de Entrada.
A elaboración de compost na casa ten moitas ventaxas, tanto medioambientais como económicas. O compostaxe permite reutilizar os refugallos que de outra maneira acabarían no colector verde convenicional e contribúe a reducir a frecuencia do servizo de recollida.
