O vindeiro domingo, 23 de abril de 2023, volve a Marcha BTT da Lamprea ao Concello de Arbo. Unha proba non competitiva, tanto para ciclistas federados como para afeccionados, duns 45 km aproximadamente, que ten como obxetivo principal promocionar a gastronomía (lamprea e viño) e a LXIII Festa da Lamprea que terá lugar os días 28, 29 e 30 de abril.
As persoas que desexen participar nesta actividade, deberán inscribirse online na páxina web da Festa da Lamprea https://festadalamprea.gal/evento/vii-marcha-btt-da-lamprea/ sendo o prazo máximo de inscripción o día 19 de abril.
A saida da proba será dende o Praza do Concello ás 9:30 horas, o prezo por participar ascende a 10 euros e inclúe seguro, avituallamento, degustación de viño, lamprea de Arbo e un agasallo conmemorativo da marcha BTT.
“Arbo está íntimamente ligado á lamprea e ao viño. Tal é a súa relevancia que, nesta localidade, o peixe e as uvas forman parte do escudo e da bandeira do municipio. Unha unión que tamén se mantivo na gastronomía coa transmisión, de pais a fillos, de receitas como lamprea en empanada, lamprea á prancha, fritida e rebozada, guisada con fideos, entre outras”, informa o edil do Concello de Arbo, Horacio Gil, “e que mellor maneira de quentar motores que achegarse a esta ruta que cada ano atrae a máis participantes”.
