O vindeiro sábado, 29 de abril de 2023 ás 15.00 horas, volve no restaurante “Os Pirús” un dos actos centrais da próxima “LXIII Festa dA Lamprea” (28, 29 e 30 de abril), o “Xantar da Lamprea”. Os interesados en acudir a esta cita teñen de prazo ata o 26 de abril para realizar o pago de 75 € por comensal, que poden ingresar na conta Abanca 2080-5011-88-3040013796.
O menú é igual de completo e saboroso que en edicións anteriores e inclúe:
- Entrante: lamprea rechea con salpicón
- Primeiro prato: sabalo do Miño fritido en cama de cachelo e crema de berros. E Lamprea do Miño estilo arbense con arroz e picatostes
- Segundo prato: cabrito de San Fins ou espaldilla de ternera galega ao forno con guarnición
- Postre: leite frito
O menú inclúe viños brancos e tintos, viño espumoso da zona do Condado con Denominación de Orixe Rías Baixas. Tamén auga, refrescos e licores tamén con Denominación de Orixe.
Este tradicional xantar, acto central e principal do evento, supuxo no ano 1961 a orixe da Festa Gastronómica máis antiga de Galicia, cando un grupo de veciños e responsables de varios restaurantes e adegas organizaron a primeira edición co obxectivo de dar a coñecer este singular produto así como os excepcionais viños do municipio, hoxe acollidos á citada Denominación de Orixen Rías Baixas.
Desde entón, Arbo celebra ininterrompidamente a súa festa máis importante do ano, que este ano estreamos como Festa de Interese Turístico Internacional, o que supón o máximo recoñecemento e distinción honorifica no turismo.
