O vindeiro sábado, 28 de outubro, o foodtruck da Xunta de Galicia aparcará na vila de Arbo para unha degustación gratuíta dos productos galegos do mar. A degustación terá lugar na Praza do Concello, en horario de 12:00 a 15:00 horas e de 18:00 a 21:00 horas.
Galicia sabe aMar é unha campaña da Xunta de Galicia que nace no verán de 2021 para animar á cidadanía, a través da retranca galega e os dobres sentidos ,a consumir produtos do mar, impulsar a súa venda e poñer en valor o labor dos profesionais da pesca e do marisqueo.
Este 2023 a iniciativa sóbese ás catro rodas a través de catro foodtrucks que levarán o sabor das rías galegas por máis de 250 municipios de toda España vinculados ao Camiño de Santiago. En cada parada os visitantes poderán degustar algún dos 10 petiscos pensados para a campaña e realizados a base de produtos certificados do mar e da terra.
