A Asociación Veciñal, Deportiva, Cultural e Xuvenil ‘Arcangel San Miguel’ de Cequeliños, inicia a súa andadura coa nova normalidade abrindo a inscrición para o curso de Patchwork totalmente gratuíto que se desenvolverá neste vindeiro mes de outubro nas Antigas Escolas de Cequeliños.
O patchwork é moito máis que unha técnica de costura, é moito máis que a arte de xuntar diferentes retales de teas para crear un produto e unha combinación orixinal, divertida e única. Un dos beneficios do patchwork é que posibilita compartir coñecementos, informacións, trucos ou teas entre todas as persoas afeccionadas, cousa que axuda a combater algunhas afeccións como a soidade dos meses de frio e choiva
Os/as interesados en participar no curso deberán solicitar a reserva de Praza no teléfono 639 829 445 (Vicenta)
A Asociación Arcangel San Miguel foi creada no ano 2021 por un grupo de veciños e veciñas da parroquia de Cequeliños do municipio de Arbo. Enre os seús fins principais, que non son os únicos, esta o de fomentar e desenvolver a convivencia e mellorar a calidade de vida no ámbito da asociación do veciños da parroquia de Cequeliños.
