A Cañiza celebra o éxito dos deportistas na nova edición da Copa Xunta de Galicia de Técnica, celebrada o pasado 19 de novembro, na que participaron máis de 522 deportistas de 34 clubes galegos. Entre eles 10 competidores da Cañiza.
O Clube Asociado cañicense conseguiu 5 medallas da man de Iker González, gañador da medalla de ouro na categoría de benxamín. Marco Pérez, coa 3ª posición e medalla de bronce na categoría alevín competitiva. María Cerviño, gañadora da medalla de prata en alevín amateur e Pedro Pedrouzo, medalla de bronce na mesma categoría e Elías Román que se alzou coa medalla de bronce na categoría de cadete infantil.
A Copa Xunta de Galicia de técnica (infantil e adultos) é un torneo que ten como obxectivo prioritario a promoción deste deporte, aínda que nos últimos anos inclúe a categoría competitiva, que outorga puntos para o ránking galego de técnica. Neste torneo participaron os deportistas que acadaron a clasificación nas fases provinciais, que se celebraron no mes de outubro coa participación de case 1.400 deportistas.
[su_image_carousel source=”media: 64320,64319,64317″ crop=”5:4″ link=”lightbox” autoplay=”0″]
Os 30 deportistas do Clube asociado da Cañiza, afiliado ao KIAP de Vigo, entrenan nas instalacións do ximnasio municipal, de luns a venres en horario de 16h a 18h e está coordinado polo entrenador nacional de taekwondo Fidel Rodríguez, traballador do Concello da Cañiza, adscrito ao servizo de deportes como monitor deportivo.
O alcalde da vila, Luis Piña, en nome de todos os cañicenses, felicitou a esta gran familia deportiva do Taekwondo Cañiza; alumnos, pais e adestradores, directiva e moi especialmente aos medallistas, polo esforzo e os logros acadados.