O pasado 28 de marzo comezaron a traballar as 12 persoas seleccionadas no procedemento de contratación para cubrir os postos de 2 mozos de recollida de lixo, 7 peóns de obras públicas e 3 conductores operadores de maquinaria de vías.
Unha convocatoria pública de emprego á que están destinados un total de 128.458,73 euros, subvencionados case na súa totalidade pola Liña 3 do Plan Concellos da Deputación Provincial, tendo o Concello que aportar de fondos propios 3.555,68 euros.
A selección de persoal respetou os principios de igualdade, mérito e capacidade, nun proceso que cumpre por terceiro ano consecutivo coa preceptiva publicidade da convocatoria e das Bases. Tamén estiveron garantizados os principios de transparencia, imparcialidade, profesionalidade e discrecionalidade técnica na actuación dos órganos de selección e, segundo a Lei Orgánica 3/2007, do 22 de marzo, a igualdade efectiva de mulleres e homes.
O tribunal cualificador estivo constituido por persoal funcionario dos Concellos de As Neves e Melón así como persoal laboral fixo dos concellos de Mondariz e Crecente. Tamén formou parte o normalizador lingüista do Concello da Cañiza.
Todas as prazas ofertadas son a xornada completa, 7,5 horas e os salarios deste persoal están equiparados cos dos empregados do concello con similares ocupacións.
Por terceiro ano consecutivo eliminouse a entrevista no proceso de selección, converténdose nun concurso garantista ao 100 % dos principios constitucionais de igualdade de oportunidades, mérito e capacidade.