O Concello da Cañiza vén de dar a coñercer o amplo e variado programa de actividades que se desenvolverán dentro do ‘Verán de Lecer’ unha proposta que busca ofrecer á veciñanza e visitantes, un abano de actividades para todos os públicos, gustos e idades.
O programa abríase onte domingo coa obra de teatro 12 uvas, 2 mulleres e 1 oliva a cargo da compañía Olivas Negras no Auditorio da Casa da Cultura. Hoxe domingo ás 22 horas, volverase a representar esa mesma obra.
O mércores día 14 de xullo, a Praza Maior acollerá unha exchibición de Taekowndo ás 21 horas. O sábado 17, o parque eólico Montouto-2000 será escenario do Campionato Galego de Aeromodelismo F3F voo en ladeira de planeadores. A proba, organizada polo Club Vuelo a Vela Fontefría, dará comezo ás 10:30 horas e alongarase durante toda a xornada.
A semana rematará cunha andeina, cun percorrido aproximado de 12 quilómetros e do que, durante esta semana, darase a coñecer o punto de saída.
Ese mesmo domingo 18 de xullo, o teatro volverá ao Auditorio da Casa da Cultura da Cañiza. Desta volta será a obra Soga e Cinsa a cargo da compañía Aporía Escénica. Haberá dous pases, un ás 18:30 horas e outro ás 22:30 horas.