Val Miñor

Comeza o IV Ciclo de Conferencias "O Falar das Pedras” que se impartirán todos os luns lectivos de xullo e agosto no Multiusos Mercado de Sabarís ás 20:30 h. O vindeiro luns, 10 de xullo, ás 20:30H, arrinca coa ponencia “Entre Austrias y Borbones, A Coruña y Baiona en la guerra de Sucesión, 1700 -1714” do licenciado en Dereito e Historia, Arturo Abad Pardo.

O Concello de Nigrán abre o mércores e xoves 12 e 13 de xullo o prazo de inscrición para participar na festa do 'Día dos Avós' o 26 de Xullo en Camos (pavillón de Os Barreiros). Está dirixida a persoas da terceira idade empadroadas en Nigrán e as interesadas deben apuntarse telefoneando ao 986 365 000 de 10:00 h a 13:00 horas nos mencionados días, sendo o límite de aforo 80 persoas.

O Concello de Nigrán ven de investir 3.350 € na creación dun aula específica de estimulación sensorial no CEIP Carlos Casares de Vilariño. A iniciativa parte da propia dirección do centro, que pretende así mellorar a atención á diversidade do alumnado. Así, o Concello financiou a instalación dos 72 m2 de tarima flotante que substitúen o chan de terrazo outorgándolle unha maior sensación de calidez e permitindo así que poidan empregar esta superficie como lugar de actividades.

O novo Equipo de Goberno do Concello de Baiona tivo unha primeira reunión cos empresarios e empresarias do sector hostaleiro que desenvolven a súa actividade na Vila co obxectivo de lograr o equilibrio entre a actividade do sector e o goce da veciñanza. O alcalde de Baiona, Jesús Vázquez Almuíña; o concelleiro de Urbanismo, José Ángel Bahamonde Rodríguez, e o xefe da Policía Local, Plácido Viéitez, participaron na reunión xunto a unha corentena de empresarios e empresarias, entre as que se atopaban o Presidente da Asociación de Comerciantes e Empresarios de Baiona (ACEBA), Marcos Comesaña.

O festival Season Fest xa ten novo emprazamento. Celebrarase do 21 ao 24 de setembro en dous lugares estratéxicos do municipio de Gondomar: o Parque da Coelleira e o Parque das Ánimas.

O Multiusos de Sabarís, no Concello de Baiona, acollerá este luns 3 de xullo unha nova proxección da segunda edición do Ciclo Mestre Mateo, promovido pola Academia Galega do Audiovisual e a Deputación para achegar as longametraxes de ficción e documentais finalistas dos premios do audiovisual galego aos concellos da provincia.

Concello de Nigrán abre o prazo, do 3 ao 21 de xullo, para solicitar axudas municipais para a adquisición de libros de texto e/ou material escolar no curso 2023/24.

Baiona prepara un amplo programa de actividades para este verán. Hoxe dá comezo o programa cultural Baiverán 2023 promovido polo Concello de Baiona.

De popular a oficial. A zona de Mallón coñecida pola veciñanza como 'Alto da Pintora' foi 'bautizada' onte pola mañá polo Concello de Nigrán cunha placa que así o indica.

A concelleira de Deportes, Ana María Iglesias Rodríguez, realizou esta mañá unha visita ao Campus de Rugby, que se vén celebrando durante esta semana nas instalacións do campo de fútbol do Aral

O Concello de Baiona, a través da Concellería de Turismo, aposta por diferentes iniciativas coas que dar a coñecer a riqueza patrimonial e cultural do municipio con diferentes programas de visitas gratuítas durante a tempada de verán 2023.

A conselleira de Política Social e Xuventude, Fabiola García, acompañada da delegada territorial da Xunta en Vigo, Ana Ortiz, destaca o apoio do Goberno galego ao primeiro Campamento Estatal para a Infancia Xorda, que organizan a Federación de Persoas Xordas de Galicia (Faxpg) e a Confederación Estatal de Personas Sordas (CNSE) e que se celebra estes días na Residencia de Tempo libre que o Goberno galego ten en Panxón.