Nigrán

Este sábado 17 terá lugar unha nova xornada de limpeza de praias en Patos, Nigrán. Outro ano máis o Concello de Nigrán e a AEESP (Asociación de Escolas de surf de Patos) uniron forzas para levar a cabo esta iniciativa que quere concienciar sobre a contaminación causada polo lixo no mar, especialmente os plásticos que se atopan nas praias.

O alcalde de Nigrán, Juan González, mantivo un encontro esta mañá en Chandebrito co presidente da Comunidade de Montes, Víctor Vidal, coincidindo co terceiro aniversario dos incendios na parroquia. Nesta edición, ante as circunstancias sanitarias, o Concello non organizará ningún acto oficial, tal e como si se viu facendo nos dous anos anteriores.

O Concello de Nigrán cancela finalmente a gala especial dos Premios Nigrán prevista para este sábado 17 de outubro por precaución sanitaria ante as cifras de contaxios en toda Galicia e as novas medidas de seguridade que vai tomar a Xunta. O Concello fará entrega dos premios a cada unha das persoas, entidades ou empresas homenaxeadas pero, finalmente, por responsabilidade e sensatez, non celebrará este acto adicado precisamente a recoñecer a labor de todos os que loitan no municipio contra o Covid-19, especialmente os que o fixeron durante o confinamento estrito.

O Concello de Nigrán aposta por preservar as traídas de augas veciñais privadas investindo naquelas que desexan manter de cara ao futuro este servizo básico para as parroquias de Camos e Chandebrito. Así, considerando que as novas regulacións sanitarias ou fin de concesións obrigan á maioría das comunidades da localidade a emprender obras nas súas instalacións e tramitar documentación, o Concello iniciou xa a súa colaboración coas traídas de A Rotea e Piñeiros (Camos) e Lapela (Chandebrito), as tres primeiras en manifestar nas súas respectivas asembleas o seu interese en manter o subministro de cara ao futuro e en recibir para elo a axuda do Concello.

O Concello de Nigrán súmase por cuarto ano consecutivo este domingo 18 de outubro á xornada de limpeza simultánea de praias capitaneada pola asociación ecoloxista Adega en toda Galicia, desenvolvéndose nesta ocasión por vez primeira na zona de calas de Lourido. A xornada arrancará ás 11:30 horas.

O Concello de Nigrán ofrece gratuítamente un programa de formación online con 10 cursos diferentes e dirixido preferentemente a desempregados do municipio co obxectivo de facilitar a súa inserción laboral. O prazo de inscrición para os mesmos arranca o 13 de outubro (Rexistro ou Sede Electrónica) e rematará 5 días antes do inicio de cada un (comezan o 2 ou 3 de novembro e se extenden un mes, cunha duración de 30 a 50 horas). O máximo de solicitudes é de 5 por orde de preferencia e se poderán simultanear ata 3 cusos.

O grupo de voluntarios, composto por unha vintena de persoas, traballou onte na eliminación de dúas especies de plantas invasoras nas dunas, a conyza canadienses e a margarita africana co obxectivo de erradicalas por completo das dunas de Praia América e Panxón ao longo das 3 xornadas de voluntariado que forman a iniciativa 'Recuperando o litoral'.

O Concello de Nigrán presentou esta onte o proxecto 'Un Nigrán para todos' nas primeiras xornadas da Universidad de Granada sobre discapacidade, diversidade e igualdade na industria da música. A través de videoconferencia, o alcalde, Juan A.González, participou nunha mesa redonda adicada ao proxecto do municipio 'Un Nigrán para todos' e 'Invencibles' da banda almeriense Nixon, considerados ambos referencias nacionais en visibilización.

O Concello de Nigrán recibíu hoxe ás catro persoas en prácticas ao abeiro das bases do programa de fomento da empregabilidade na provincia 'O teu primeiro emprego', da Deputación de Pontevedra. En concreto, trátase de persoal que ten o Ciclo Superior en Administración e Finanzas pero sen experiencia laboral previa no eido da súa formación, tal e como indican as bases e como se seleccionou desde a Oficina de Emprego.

O alcalde do Concello de Nigrán, Juan A.González, presentou onte no Auditorio Municipal o segundo encontro do Grupo de Acción Local do Sector Pesqueiro Ría de Vigo-A Guarda (GALP 7) para avanzar na posta en marcha dun proxecto destinado a por en valor o patrimonio marítimo de toda a zona de influencia. A esta reunión acudiron representantes de diferentes entidades implicadas, como Anfaco, Porto de Vigo, Campus do Mar...

O Concello de Nigrán constata a reducción da presenza de vespa velutina na comarca tras retirar persoalmente o edil de Sanidade máis de 500 niños nos últimos tres anos e repartir gratuítamente 1.200 trampas entre a veciñanza. Así, se no ano 2018 a súa concellalía retirou 270 niños, no 2019 foron 175 e neste ano lévanse 81 (nos vindeiros días, eliminaranse unha ducia máis, sendo 93 a totalidade dos que se teñen notificado ata a data).

O Concello de Nigrán dá un paso máis no seu proxecto 'Un Nigrán para todos' fornecendo de máscaras inclusivas ao profesorado de todos os centros educativos do municipio e ao alumnado con necesidades especiais. Estes EPIS teñen a zona da boca en PVC transparente, o que permite a lectura de beizos e a transmisión de emocións, cuestión fundamental para a comunidade xorda pero tamén para o persoal educativo de determinadas especialidades.