Mos

A Festa do Codillo, a celebración gastronómica máis emblemática do concello de Mos, debería chegar á súa XXIII edición o próximo domingo, 18 de outubro, pero as especiais circunstancias deste ano 2020 levaron á directiva do Círculo Cultural e Deportivo Sta. Eulalia a tomar a decisión de suspender o evento e aprazalo ata o ano que vén. A organización entende que a situación sanitaria derivada da COVID-19 "é incompatible coa convocatoria de xuntanzas multitudinarias e as propias restricións establecidas dende as distintas administración impedirían manter o formato tradicional da Festa".

O Concello de Mos (a través da Concellería de Promoción Empresarial, Economía e Emprego que dirixe a edil Julia Loureiro), como entidade certificadora de Microsoft a través da Rede Conecta, á que se adheriu fai anos a través da Fundación Esplai, ofrece a posibilidade mediante probas oficiáis e de validez e recoñecemento a nivel internacional, acreditar os coñecementos fundamentais en informática e internet no caso do IC3-GS5, e de validar os coñecementos e habilidades prácticas no uso de Microsoft Office, no caso de BecaMos, que é o Programa no que se encuadra as certificacións de Microsoft Office Specialist, sendo o validador, directamente Microsoft.

Na mañá do xoves, celebrouse semipresencialmente (algúns dos seus membros presentes no Salón de Sesións do Concello de Mos e outros por videoconferencia) a terceira Comisión de Seguemento da Evolución da Covid-19 en Mos tras a reanudación destas reunións de seguemento e control o pasado 1 de setembro, que foran interrompidas despois da última Comisión de Seguemento levada a cabo o 17 de xuño e que era a 16ª.

A alcaldesa de Mos, Nidia Arévalo, mantivo o martes pola tarde unha xuntanza coa Conselleira de Infraestruturas e Mobilidade, Ethel Vázquez, no despacho desta en Santiago de Compostela, sobre temas de gran importancia para Mos como a humanización entre o Colexio de Atín e a Igrexa de Pereiras, diversos saneamentos e axudas para varias Comunidades de Usuarios de Augas mosenses.

A alcaldesa de Mos, Nidia Arévalo, e a concelleira de Política Social e Igualdade, Sara Cebreiro, visitaron onte as dependencias do departamento municipal de servizos sociais, recentemente trasladado para o edificio Multiusos das Pozas, onde se atopa prestando servizo desde esta semana.

Un accidente entre dous coches na A-55, ao paso pola parroquia de Sanguiñeda, no termo municipal pontevedrés de Mos, deixou a dúas mulleres feridas na noite de onte. Os feitos tiveron lugar poucos minutos antes da medianoite á altura do punto quilométrico 13.

Afortunadamente, ningún dos accidentes rexistrados deixou feridos de gravidade. Nun intervalo de aproximadamente tres horas a circulación pola A-55 viuse alterada a causa das distintas colisións por alcance ocorridas nos concellos de Mos, Vigo e Porriño.

Onte luns, 5 de outubro de 2020, ás 19:00 horas no Pazo de Mos, celebrouse a presentación da nova saída e actividades relacionadas con “La Vuelta” ciclista. Presentaron o acto Nidia Arévalo, alcaldesa de Mos; Javier Guillén, Director de “La Vuelta”; Óscar Pereiro, embaixador de “La Vuelta - Mos” e Nava Castro, Directora de Turismo de Galicia. Tamén asistiron como invitados membros do tecido asociativo, deportivo, cultural e empresarial da mesa “Mos con La Vuelta” e concelleiros da corporación de Mos.

Hoxe a nova delegada territorial da Xunta en Vigo, Marta Fernández-Tapias reuniuse coa alcaldesa de Mos, Nidia Arévalo e membros do equipo de goberno onde tivo a oportunidade de analizar temas que son prioritarios para o goberno local en materia de educación, saneamento, humanizacións, e sanidade entre outros.

Onte á tarde celebrouse no Pazo de Mos a recepción ao deportista Hugo Vila Malvido de 10 anos, en recoñecemento polo título acadado na copa galega 2020 de salto con poni na categoría de ponis A, onde acadou a medalla de ouro.

No concello pontevedrés de Mos, unha colisión entre dous turismos deixou a dúas persoas feridas nas primeiras horas da mañá de hoxe. O choque produciuse na A-55, á altura do punto quilométrico 9 e os feridos foron encamiñados ao Hospital Álvaro Cunqueiro e ao Hospital de Fátima.

A Asemblea Xeral da Asociación de Empresarios de Mos, que tivo lugar o pasado 30 de setembro no Viveiro Industrial do Polígono da Veigadaña, tivo como punto relevante a elección de nova xunta directiva, renovando cargo o seu presidente, Manuel Castro, quen se comprometeu a seguir traballando polas empresas de Mos, o desenvolvemento económico e o emprego.