O Concello de Covelo contratou os traballos de poda e arranxo de árbores nas prazas públicas para evitar riscos de caídas e posibles danos á poboación. Nos pasados días actuouse no centro urbano e ao longo destes meses proseguirase nas prazas e espazos públicos do resto dos barrios e parroquias na medida que a climatoloxía o permita.
En Galicia, a meteoroloxía adversa destes días deixou máis de 1.200 incidencias rexistradas en toda a comunidade. A páxina web de emerxencias 112 de Galicia indica unha serie de recomendacións para estes días.