A Fundación Formavigo presenta unha nova oferta formativa para este verán 2023, Obradoiro de limpeza de fincas co uso de desbrozadora de disco e fío para persoas desempregadas ou en situación de dificultade.
O obradoiro realizarase o mércores 12 e xoves 13 de Xullo en horario de 09:30 a 13:00 horas, na horta comunitaria situada na rúa do Muro, 22 (detrás de Mobles Domínguez). Estará composto por dúas partes: unha primeira parte teórica e unha segunda parte práctica. Na parte teórica explicarase as partes da maquinaria que se vai a utilizar e coñecemento das diferentes plantas que se poden atopar ao momento da limpeza. No seguinte día, na parte práctica, aprenderase a usar a maquinaria, cambios de cabezais (disco e fío) e ferramentas para a actividade que se vai a desenvolver.
Este obradoiro conta con 10 prazas e cunha beca de 5 euros/día para as persoas desempregadas ou en situación de dificultade.
É preciso que as persoas asistentes, veñan con roupa cómoda e que cubra todo o corpo, calzado cómodo e guantes de xardinería. Á finalización do obradoiro,entregarase un diploma da realización do curso.
As inscricións poderán facerse a través do teléfono 600 060 146, o luns de 09:00 h a 14:00 horas no Centro Sociocomunitario de Redondela (Paseo da Xunqueira, 27), no correo electrónico [email protected] ou na páxina web https://fundacionformavigo.com/curso/limpeza-de-fincas-con-desbrozadora-de-fio-e-disco/.
Para máis información sobre outras actividades a Fundación conta cun punto de atención no Centro Sociocomunitario de Redondela os luns de 9:00 h a 14:00 horas. Tamén se pode solicitar dita información no teléfonon 600 060 146.