Cinco días de verbena cunha barra no recinto cuberto deixa aos hostaleiros descontentos sobre a xestión municipal do evento. Consideran que eles están durante todo o ano pagando os impostos en Redondela e, que se permita a unha empresa foránea facer unha explotación dunha barra de venda de alcohol nun espazo público sen ter publicado unha bases para a súa adxudicación non é a mellor maneira de facer as cousas.
A Festa da Coca son as festas grandes do Concello de Redondela e son organizadas polo propio Concello de Redondela polo que se presupón que os procedementos han de atender á transparencia propia de calquera administración pública.