Como en pasadas edicións, o sábado 13 de maio, día previo á marcha, a partir das 17 horas, terá lugar a Feira do Corredor na Praza de Bugallal de Ponteareas, que este ano promete ser a máis espectacular das realizadas ata a data. Unha vez alí, os participantes poderán disfutar de grandes momentos de diversión, ademais de contar coa presenza e firma de autógrafos de Miguel Indurain e Álvaro Pino.
Contarase tamén coa presenza dos trofeos dos tres gañadores pontareáns da Volta a España, Delio e Emilio Rodríguez, e Álvaro Pino, e a velada estará amenizada polo Rock in Río Tea na rúa a partir das 21 horas.
A partir das 17:30 horas, tamén na Praza de Bugallal, levarase a cabo unha xincana infantil para nenos, da man do Club Ciclista Ponteareas.
A saída e meta levarán a cabo en Ponteareas, na Praza de Bugallal, e percorrerá un total de nove concellos: Ponteareas, Salceda, Tui, Salvaterra, As Neves, A Cañiza, Covelo, Mondariz e Mondariz Balneario.