O Goberno local continuará, hoxe venres 7 de outubro, o programa de reunións cos colectivos veciñais e a veciñanza en xeral das parroquias, nun encontro que terá lugar a partir das 20 horas, no Centro Cultural de Trasmañó.
Con este novo encontro, o goberno socialista, que preside Digna Rivas, reafirma o seu compromiso de manter reunións periódicas coa veciñanza das parroquias para dar a coñecer os proxectos que que desenvolven nas mesmas.
Digna Rivas valorou positivamente as reunións mantidas en Cesantes, Ventosela e Vilar nas que, tanto os colectivos veciñais como as veciñas e veciños, participaron activamente achegando propostas sobre actuacións que consideran necesarias para as súas parroquias ou facendo puntualizacións e matizacións sobre as xa realizadas.
A alcaldesa redondelá considera “imprescindibles” estas reunións “se de verdade se quere gobernar para todos sen ningún tipo de distinción” xa que, insiste, “non se pode facer unha labor de goberno efectiva se non se ten en conta a opinión dos veciños que viven nas parroquias e que, polo tanto, coñecen mellor que ninguén as súas necesidades ou as modificacións que se deben facer sobre obras e traballos que lles afectan directamente”.