O pleno do Concello de Arbo, na sesión extraordinaria de data 5 de novembro, aproba o convenio de Colaboración entre a Deputación de Pontevedra e o Concello de Arbo para a execución do proxecto “Mellora da mobilidade peonil na E.P. 5202 do pq 1+100 ao 1+165 e na E.P. 5203 do pq 1+150 ao 1+529”, recibido o día 30/09/2020 (R.E. núm. 982).
O alcalde, Horacio Gil, destaca a satisfacción do goberno e da veciñanza por esta actuación que permite “a humanización desta contorna emblemática do concello, exemplo e berce do espírito emprendedor de Arbo, onde o século pasado houbo unha intensa actividade económica que se foi transmitindo ata hoxe”. Lembrou que era necesaria esta obra no núcleo “porque a última reforma fixérase nos anos 70 e había que reparar as infraestruturas, especialmente saneamento, abastecemento, que estaban moi deterioradas, instalar novas de telecomunicacións e iluminación e mellorar o pavimento, para facelo máis accesible a toda a veciñanza” O goberno actual foi quen de facer realidade unha das actuacións máis demandadas nesta vila, elaborando, xestionando e cofinanciando un ambicioso proxecto que pon en valor e reactiva a actividade económica da contorna.
O barrio da Estación tratase dun entorno rural, caracterizado pola sinxeleza dos elementos e simplicidade nos materiais e formas que a caracteriza. Merece a pena fixarse na diferente arquitectura, con casas de dous andares con “buhardillas” inclinadas en tella e carpintería de madeira e nos seus balcóns pechados.
“As obras desenvólverone entre a rúa da Estación, entre a estación de ferrocarril de Arbo e a estrada PO-405, incluindo o tramo que vai fronte á capela de San Antonio.” – informa o alcalde, Horacio Gil – “O goberno actual foi quen de facer realidade unha das actuacións máis demandadas nesta vila, elaborando, xestionando e cofinanciando un ambicioso proxecto que pon en valor e reactiva a actividade económica da contorna” – remata o rexedor.
As obras leváronse a cabo na intersección das estradas EP-5202 e EP-5203 en dúas zonas: a primeira no entronque das dúas estradas provinciais, na contorna da capela de San Antonio, que se converteu nunha zona de prioridade peonil con pasos de peóns.
Na segunda zona, desde o entronque das estradas cara a estación de tren de Arbo, levouse a cabo unha senda e plataforma única na zona de coexistencia de tráfico rodado e peonil, na que as persoas teñen preferencia. Colocáronse tamén alcorques delimitados por bandas de lousas de granito. Ademais, melloráronse as redes de abastecemento e saneamento e para a iluminación da zona instaláronse 24 farois LED e restauráronse ás 12 unidades xa existentes e procedeuse a colocación de mobiliario urbano.
O convenio asinado, establecía que as obras eran financias pola Deputación no importe de 464.242,82 € (70 %), e polo Concello de Arbo no importe de 198.961,21 € (30 %).