Dentro da programación do Verán Cultural do Concello de Covelo o venres día 15 de xullo, ás 20:30 horas, “Bemol, o pequeno” relatará as súas historias na praza Mestre Cerviño.
A iniciativa “Ler Conta Moito” da Rede de Bibliotecas Públicas de Galicia chega a Covelo para acompañarnos ao longo do verán en diferentes sesións.
Música e fabulosas historias farán que os máis pequenos dos fogares da nosa vila se acheguen á lectura da man dos contacontos musicais.
A seguinte cita coa diversión musical e narrativa de “Ler Conta Moito” será o vindeiro 23 de xullo coa actividade de animación infantil “Brinca Vai!” tamén na praza Mestre Cerviño de Covelo.
O Verán Cultural do Concello de Covelo ofrece actividades para tódalas idades en distintas parroquias do concello.