Despois de pasar por Moaña o venres 22 con pases nos institutos da comarca e proxección no salón de plenos do Concello, o FicAndaina (Festival Internacional de Curtametraxes e Diversidade) arrincou en Redondela con proxeccións para centros educativos nunha primeira xornada pola que pasaron polo multiusos da Xunqueira máis de 300 escolares , de Nigrán, Vigo e Redondela.
En dúas sesións, estes alumnos puideron gozar dos 2 bloques da sección oficial, donde puideron elixir a súa película favorita, que cos votos das demais sesións, decidirán o premio do público a mellor curta de Ficción. Do mesmo xeito, ademais das proxeccións, os alumnos asistiron a charla de Miguel Rebouras, un mozo que despois de sufrir un accidente domestico, superou as súas dificultades a través do deporte, a pesar de ter que depender dunha cadeira de rodas para continuar coa súa vida.
Algún centro, incluso aproveitou o finalizar o evento, o espazo para abrir un coloquio entre eles e traballar sobre a experiencia vivida. Na tarde do mércores, deuse paso a unha experiencia sensorial, donde os asistentes, puideron poñerse na pel dunha persoa cega e unha xorda, ante as súas dificultades para gozar de algo tan colidíano como ver unha película.
A organización facilitou a proxección dunha película con audiodescripción e una subtitulada e con intérprete en lingua de signos, abrindo o rematar un coloquio, donde se contou coa participación de Oscar Proietti, miembro da ONCE que nos falou das dificultades coas que se atopou nun primeiro momento para adaptarse a sua nova situación, despois de haber perdido a visión total. A sua vez, tamén poidemos comprobar as diferentes axudas que hoxe en día existen para facilitar a sua vida diaria.
O xoves foi a quenda dos máis pequenos e os alumnos de primaria de diferentes colexios de Redondela que se achegaron ao auditorio de Redondela para gozar do cine de animación sempre cun enfoque sobre a diversidade funcional.
O venres chegará de novo o quenda dos centros de secundaria e institutos de Redondela, Soutomaior, así coma centros de educación especial de Vigo.
Pola tarde, chegará un dos platos fortes do festival, coa proxección da película Valentina, gañadora do premio Goya 2022 ó mellor longametraxe de animación. A cinta, dirixida pola galega Chelo Loureiro, está producida integramente en Galicia e con colaboracións como a de Emilio Aragón nas cancións.
As entradas para a película Valentina e para as sesións da fin de semana, poden mercarse de maneira anticipada, polas mañas no propio Multiusos da Xunqueira, ou por Bizum a través da páxina asociacionandaina.com/entradas-fic-2022