O próximo domingo 13 de marzo, a Banda de Música Xuvenil de Xinzo celebra a súa anual Asemblea Xeral Ordinaria no auditorio do Centro Cultural da parroquia ás 11:00h, con segunda convocatoria ás 11:30h.
O aspecto económico será un dos principais temas a tratar coas aprobacións do balance económico do exercicio de 2021 e do orzamento económico do exercicio de 2022. Ademais, explicarase aos socios a situación actual de débeda e o convenio que a Banda ten co Concello de Ponteareas, ao que se suma a presentación do plan de actividades que se deseñou para este ano en relación á Banda, á Coral Cantares e á Escola de Música.
Antes desta asemblea, tanto os socios como demais público poderán asistir ao III Festival de Bandas Infantís, que terá lugar xusto un día antes, o sábado 12 de marzo, no mesmo auditorio do Centro Cultural de Xinzo.