O alcalde da Cañiza, Luis Piña, deu a coñecer o inicio do proceso de licitación para poñer á venda un total de 76 nichos no Cemiterio Municipal da Cañiza polo procedemento aberto, puxa e dun orzamento de licitación que establece o canon de concesión den 1,016,62 por unidade.
Os criterios de adxudicación que se valorarán para resolver a puxa serán:
- O numero de familiares do solicitante ( máximo 9 puntos):
- Por ascendente ata 2º grao: 1 punto por cada familiar ata un máximo de 3
- Por descendente ata 2º grao: 1 puntos por cada familiar ata un máximo de 3
- Por cónxuxe ou relación analóxica de afectividade: 3 puntos
- Incremento sobre o prezo da concesión, prezo que en ningún caso poderá ser inferior ao establecido como tipo de licitación 0,5 puntos por cada 50 € de aumento no canon mínimo establecido como tipo de licitación: Ata 5 puntos.
- Diminución da duración do prazo da concesión 0,5 puntos por cada 5 anos de disminución do prazo de concesión: Ata 3 puntos.
As persoas interesadas en adquirir un destes bens deberán presentar as súas proposicións no rexistro xeral do Concello dentro dun sobre co nome e apelidos así como o enderezo e número de teléfono de contacto e a inscrición de ‘Concesión de Nichos no Cemiterio Municipal da Cañiza’.
Este sobre debe estar asinado polo interesado e debe conter a seguinte documentación:
- Documento que acredite a personalidade do interesado e a representación,
- Declaración responsable de que que cumple as condicións establecidas legalmente para contratar coa administración, a que se refire a “Ley internacionalización”. Para esto facilítase o Anexo II nas Bases.
- Oferta, de conformidade co modelo que tamén se anexa
- Certificación de atoparse co corrente das obrigas tributarias.
A data e hora de apertura das ofertas se fixará por Resolución de Alcaldía notificando a todas aquelas persoas que presenten oferta