Arbo é un municipio que convive cunha curiosa especie de peixe que leva existindo máis de 500 millóns de anos, e que atopou no Miño uno dos mellores ambientes para desenvolverse. Moito antes da aparición dos dinosauros a lamprea xa habitaba no océano, desde entón, cada ano entre abril e xuño, miles de pequenos ovos de lamprea inician o seu ciclo de vida.
Este concello é a capital mundial da lamprea, non existe constancia doutro pobo no mundo que teña unha tradición tan antiga e arraigada ao redor deste peixe ciclóstomo prehistórico e misterioso.
A lamprea en Arbo é toda unha tradición. Prepárase desde hai séculos e a que se captura a esta altura do Miño ten unha textura, unha cor e un sabor diferentes. A mellor tempada para degustala é de xaneiro a abril e o prato típico é “á arbense”, cociñada no seu propio sangue.
Os seus cociñeiros e cociñeiras de Arbo son creadores da receita que pasou de xeración en xeración ao longo da historia.
O alcalde do Concello de Arbo, Horacio Gil, lémbra que dá comezo a tempada de lamprea e que nos restaurantes e casas rurais serven lamprea no menú, os establecementos hostaleiros de Arbo son acolledores, accesibles, e conta con todos os servizos, adaptados ás circunstancias sanitarias, cumpren todas as medidas de seguridade para non propagar a Covid-19.