ponteareas

Ponteareas

«Corredores Festeiros» entrega 4.850 € á Asociación Down Vigo

Corredores Festeiros entregou hoxe 4.850 € a Asociación Down Vigo, cantidade que foi recadada no transcurso da I carreira «6 horas Vila do Corpus» que se celebrou o pasado 15 de xullo en Ponteareas organizada polo Concello ponteareán. A proba congregou a un total de douscentos cincuenta corredores profesionais e amateurs e, na proba, o equipo Bikila de Vigo superou o récord do mundo da maratón por equipos.

  • 0

Kiko Neves, pregoeiro da Feira do Libro de Ponteareas

O pregón do escritor ponteareán Kiko Neves será o encargado de abrir, hoxe xoves ás 19:30 horas, a Feira do Libro de Ponteareas nun acto no que estará presente o secretario xeral de Cultura, Anxo Lorenzo. A Feira, amais de toda a oferta de novidades editoriais, a cargo das sete librerías que se dan cita no encontro, ofrecerá aos visitantes ata a súa clausura o 30 de xullo, unha ampla programación de máis de 20 actividades que inclúen presentacións e sinatura de libros, un recital poético, obradoiros e actuacións musicais.

  • 0

ACiP esixe o cesamento inmediato do Concelleiro de Deportes

A viceportavoz de ACiP, Raquel Bautista Alfaya, vén de anunciar que o seu grupo pedirá ao alcalde de Ponteareas o cesamento do Concelleiro de Deportes “logo de comprobar na situación na que se atopan as instalacións deportivas do Concello”. Segundo a concelleira de Alternativa Ciudadana de Ponteareas o complexo deportivo de Pardellas “é un claro exemplo de abandono chegando a ser, nalgunhas zonas, mesmo impracticable para calquera tipo de deporte”.

  • 0

Ponteareas convoca a praza de técnico coordinador da EDUSI

O Concello de Ponteareas vén de adiantar que nos vindeiros días publicarase no Boletión Oficial da Provincia a convocatoria dunha praza de técnico de xestión da estratexia «Ponteareas, Hábitat Saudable», contratación que contou coa aprobación do Pleno da Corporación. A persoa contratada será a responsable da coordinación da xestión administrativa interna para a estratexia que se desenvolverá nos vindeiros anos co apoio dos Fondos FEDER da Unión Europea.

  • 0

A Praza Bugallal acolle a I Concentración de Vehículos Clásicos e Históricos do Condado

A «Asociación Cultural Clásicos e Históricos Condado» vén de presentar publicamente a que será a I Concentración de Vehículos Clásicos e Históricos do Condado que se desenvolverá o vindeiro domingo 6 de agosto a partir das 10:00 horas. Nesta primeira edición o público poderá gozar dunha concentración-exposición que se abrirá ás dez horas para dar comezo á ruta pola comarca do Condado chegando ata A Paradanta onde efectuarán unha parada na Cañiza arredor das doce e media.

  • 0

Os deportistas do CC Ponteareas acreditan o seu magnífico estado de forma

O cadete do Club Ciclista Ponteareas Brais Gomez Cima, ven de participar coa Selección Galega de Ciclismo na Sexta edición da Txumaren Nazioarteko Hiru Egurak, proba que dura tres dias e que reune aos mellores corredores da categoria cadete de todo o Estado e na que incluso participan internacionais. A selección galega amosou o seu bo estado de forma conseguindo gañar a proba.

  • 0
Suscribirse a este canal RSS