10 C
Pontevedra
Mércores, 26 de Xaneiro de 2022
Máis
    HomeUltimas NoticiasA Xunta porá en marcha neste ano un centro de produción de...

    A Xunta porá en marcha neste ano un centro de produción de medicamentos CAR-T

    O conselleiro Julio García Comesaña deu a coñecer onte a primeira das alianzas neste campo, a realizar co Hospital Clínic de Barcelona, centro pioneiro na investigación deste tipo de terapias

    Galicia porá en marcha, ao longo de este ano, un centro de produción de medicamentos CAR-T, terapia celular avanzada, innovadora e personalizada que revolucionará o modo de tratar o cancro, e un dos eixes fundamentais do proxecto que o Executivo galego ten en materia de sanidade. Así o anunciou, na sede da Axencia de Coñecemento en Saúde (ACIS), o conselleiro de Sanidade, Julio García Comesaña.

    Grazas á súa alta eficacia, esta terapia ofrece esperanzas a pacientes que xa agotaron todas as vías de curación. Así, remarcou o titular da carteira sanitaria do Executivo galego, en pacientes cun prognóstico de supervivencia que non superaba os seis meses, e para os que non existía ningunha alternativa terapéutica, acadouse a remisión total do cancro entre un 50 e un 80%.

    O feito de desenvolver unha estratexia de medicina personalizada e terapia celular avanzada, e poñer en marcha un centro CAR-T, responde, –dixo García Comesaña–, a un compromiso da Xunta coa sanidade. Ademais, estamos a cumplir, –remarcou o conselleiro–, o mandato parlamentario do pasado mes de outubro, a este respecto.

    García Comesaña agradeceu a todo o equipo de Asistencia Sanitaria do seu departamento, a Galaria, e a un dos hospitais do Sergas de referencia, o Complexo Hospitalario Universitario de Santiago, moi especialmente ao seu servizo de Hematoloxía e Hemoterapia, que, tan so catro meses despois do acordo parlamentario, estanse a dar os primeiros pasos deste ambicioso proxecto.

    Tres millóns de investimento

    Tal e como incidiu o conselleiro, esta iniciativa require dun importante esforzo organizativo e económico e, a tal efecto, os orzamentos da Xunta para este ano destinan 3 millóns de euros á creación dun centro de fabricación de fármacos CAR-T.

    O feito de que Galicia vaia contar cun centro de terapia avanzada CAR-T supón, -dixo o conselleiro-, que pasa a ser un centro de referencia na produción e investigación deste tipo de medicamentos, co que, “a nosa Comunidade, non só desenvolverá as liñas de investigación doutros centros nacionais, senón, que poderá crear os seus propios fármacos a partir das liñas de investigación que se leven a cabo en Galicia”. Ademais, poderase poñer o potencial dos investigadores galegos ao servizo de novas curas, non só de CAR-T, senón doutras inmunoterapias punteiras.

    Tal e como remarcou o responsable da sanidade pública galega, a terapia CAR-T é un tratamento que vai supoñer un punto de inflexión na loita contra o cancro. Con ela, o sistema inmune do enfermo oncolóxico recupera a súa capacidade, primeiro de recoñecer a célula canceríxena para, despois, destruíla dun modo selectivo. Serán os mesmos linfocitos T do paciente, modificados xeneticamente, os que se convirtan en fármaco para atacar e acabar co tumor. Estamos pois, –subliñou o conselleiro–, “diante dun dos principais hitos da oncoloxía”.

    Alianza co Hospital Clínic de Barcelona

    No acto que tivo lugar na sede de ACIS, o conselleiro deu a coñecer a primeira das alianzas neste campo, a realizar co Hospital Clínic de Barcelona, pioneiro na investigación deste tipo de terapias. Este centro catalán identificou e desenvolveru unha liña de investigación que, agora, pon en mans de Galicia, para que o convirta en medicamento. Unha fórmula maxistral de curación que, –segundo explicou o conselleiro–, “a nosa comunidade autónoma a fará tanxible este mesmo ano para que chegue ao paciente”.

    O acto contou coa presenza, así mesmo, do xerente do Sergas, José Flores Arias, así como do director xeral de Asistencia Sanitaria, Jorge Aboal Viñas.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS