Tag: toñi de vicente
Toñi Vicente, pioneira da nova cociña galega, presenta o seu primeiro libro en Tomiño
A recoñecida chef tomiñesa Toñi Vicente presentou este sábado o seu primeiro libro, 'A miña cociña', que contou coa colaboración do Concello de Tomiño. A praza do Seixo foi a escollida para celebrar un acto sinxelo mais tamén emotivo e entrañable, que serviu tamén como homenaxe especial aos seus pais, Delmiro e Antolina, dos que aprendeu a amar a cociña de calidade feita con produtos da zona. No acto estivo acompañada pola alcaldesa de Tomiño, Sandra González; o fotógrafo do libro, Xulio Gil, e o editor José Luis Teófilo, de Teófilo Edicións.