8.5 C
Pontevedra
Venres, 29 de Marzo de 2024
Máis
    HomeÉ NoticiaVinte persoas inician en Pontevedra o terceiro curso de español para persoas...

    Vinte persoas inician en Pontevedra o terceiro curso de español para persoas inmigrantes desde 2021 que organiza a Deputación

    Trátase da última das actividades formativas organizadas este ano pola institución provincial para facilitar ás persoas non hispanofalantes o acceso ao DELE A2, indispensable para obter a nacionalidade española

    Vinte persoas participan desde este luns no Centro Príncipe Felipe de Pontevedra no terceiro e último dos cursos de español para persoas inmigrantes que organiza neste 2021 a Deputación de Pontevedra para facilitar ás persoas de países non hispanofalantes a obtención do Diploma de Español Como Lingua Estranxeira (DELE A2), un requisito indispensable para que poidan logo acadar a nacionalidade española.

    En concreto, neste curso a maioría das persoas participantes proceden de Brasil (10), Marrocos (5) e Senegal (4) e hai unha de Arxelia. A actividade consta de 40 horas e prolongarase ata o 1 de outubro, en horario de 9.30 a 12.10 horas. Unha vez finalizadas as sesións de formación, o alumnado presentarase ao exame do DELE A2 que levará a cabo o Instituto Cervantes en Vigo, que terá lugar o 13 de novembro.

    As clases no Centro Príncipe Felipe, ao igual que o pasado ano, desenvólvense cun estrito protocolo anti Covid, que inclúe o uso obrigatorio de máscaras e a dotación de material de hixiene para garantir a seguridade. En caso de que a formación non se puidera impartir polas circunstancias de modo presencial, valorarase a posibilidade de realizala en remoto e, en todo caso, o seu desenvolvemento estará supeditada á normativa vixente en cada momento.

    Esta é a quinta edición dos cursos de español que a Deputación desenvolve desde 2017 para facilitar a integración das persoas inmigrantes como cidadáns de pleno dereito na provincia. A proba DELE A2 require unha preparación previa e ten un custo económico que dificulta o acceso para un determinado sector da poboación e a través deste programa, a institución subvenciona o custo da formación e tamén o da matrícula na citada proba.

    Nos anteriores dous cursos celebrados en Vigo, con 20 e 15 participantes, as persoas procedentes de Marrocos foron maioría, seguidas das de Brasil, Rusia ou Nixeria, aínda que tamén houbo alumnado de Paquistán, Congo, Irán, Costa de Marfil ou Mauritania. As persoas que participaron e superaron estas dúas actividades examináronse os pasados días 9 e 10 deste mes de setembro da proba DELE A2.

    Nas catro edicións anteriores dos cursos de español organizados pola Deputación, houbo un total de 235 persoas participantes que, sumadas ás 55 deste 2021, fan un total de 290 persoas. A meirande parte do alumnado consigue logo superar a proba e obter o DELE A2 e, deste xeito, en 2017 houbo un 70% de aprobados, mentres que o ano seguinte subiron ata un 97,7%. O pasado 2020, en que os cursos tiveron que adiarse uns meses pola pandemia, lograron o diploma o 80% das persoas examinadas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.