23.5 C
Pontevedra
Mércores, 22 de Setembro de 2021
Máis
    HomeÉ NoticiaSanidade convida ao estudiantado galego a participar en concursos de curtametraxes e...

    Sanidade convida ao estudiantado galego a participar en concursos de curtametraxes e carteis co fin de fomentar a doazón de órganos

    Con estas iniciativas, o departamento sanitario galego quere promover entre a mocidade unha actitude solidaria e favorable ao xeneroso xesto da doazón

    O conselleiro de Sanidade, Julio García Comesaña, presentou no Museo Pedagóxico de Galicia, diversas iniciativas postas en marcha polo seu departamento dirixidas ao alumnado galego, coa fin de fomentar a doazón e o transplante de órganos. O máximo responsable sanitario galego anima aos estudantes galegos a que participen nestas actividades, que promoven unha actitude solidaria e favorable ao xeneroso xesto da doazón e a importancia dos transplantes entre a nosa mocidade, permitindolles coñecer, de primeira man, unha parte fundamental do noso sistema sanitario.

    En concreto, o titular da carteira sanitaria presentou tres actividades. A primeira delas, en colaboración coa Consellería de Educación, é a convocatoria do III Concurso de carteis para escolares relacionado coa doazón e os transplantes de órganos. Nesta actividade establécense dúas categorías, unha primeira, para 5º e 6º de educación primaria; e unha segunda, para o alumnado de 1º, 2º e 3º de Educación Secundaria Obrigatoria. En ámbalas dúas, os participantes deben abordar a temática da doazón e os transplantes de órganos e tecidos nos seus traballos. Para cada unha destas categorías, concederase un primeiro e segundo premio, dotados con 1.000 e 500 euros, respectivamente, destinados á adquisición de material escolar para o centro docente. Tamén haberá premios para o alumnado (tablets e cámaras de fotos).

    A segunda das iniciativas dadas a coñecer polo conselleiro é o VII Concurso de curtametraxes para escolares relacionado coa doazón e os transplantes de órganos. Está dirixido ao alumnado de bacharelato e ciclos formativos de grao básico, medio e superior de todos os centros educativos. As curtametraxes deberán ser orixinais e inéditas, mudas ou sonoras, e se poden gravar en calquera dispositivo, mesmo teléfonos móbiles. Os traballos presentados poderán ser individuais ou en grupo de ata cinco autores por cada curtametraxe, e terán unha duración máxima de catro minutos. O primeiro premio é de 1.000 euros para o centro escolar e 1.000 euros a repartir entre o alumnado participante. O segundo premio é de 750 euros.

    A terceira das iniciativas que presentou o conselleiro é o VI Concurso universitario de curtametraxes relacionado coa doazón e transplante de medula ósea; que vai dirixido ao alumnado matriculado durante o curso 2020/21 nas universidades do sistema universitario de Galicia e nos centros da UNED da nosa comunidade. O primeiro premio é de 2.000 euros é o segundo de 1.500 euros.

    Sinalar que, no acto, o conselleiro de Sanidade estivo acompañado polo director xeral de Asistencia Sanitaria do Sergas, Jorge Aboal Viñas; pola directora de ADOS, Marisa López García; e pola coordinadora autonómica de transplantes de ADOS, Encarnación Bouzas Caamaño.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS