15.8 C
Pontevedra
Mércores, 18 de Maio de 2022
Máis
    HomeÉ NoticiaO PSOE pide a Xunta un modelo de financiamento comparable aos da...

    O PSOE pide a Xunta un modelo de financiamento comparable aos da Deputación e Goberno de España

    O poder municipal socialista xúntase en Vilagarcía para reclamar un auténtico Fondo de Cooperación Local que emule o funcionamento do Plan Concellos

    O PSdeG-PSOE xuntou en Vilagarcía as/os 22 alcaldesas e alcaldes da provincia, así como ás tenencias de alcaldía onde ostenta responsabilidades de goberno, para esixirlle á Xunta de Galicia un cambio de modelo nas relacións interadministrativas co municipalismo. Un pacto local que comezaría pola completa reformulación do fracasado Fondo de Cooperación Local.

    O poder municipal socialista, co alcalde de Vilagarcía Alberto Varela como anfitrión, criticou que os Orzamentos da Xunta para 2020 traian “cero investimentos para os concellos gobernados polos socialistas” e conxelasen o Fondo de Cooperación Local base (a única partida reservada aos concellos que se reparte obxectivamente en función da poboación, avellentamento, dispersión e extensión) en 112,9 millóns de euros. Mentres tanto, engadiu, a Xunta incrementa ata os 266,1 millóns de euros o caixón para repartir fondos autonómicos por convenios e subvencións escuras.

    Por cada euro que a Xunta de Galicia transfire obxectivamente aos concellos hai outros 2,5 que se reparten discrecionalmente e iso non pode ser”, denunciou Alberto Varela, quen reclamou un Fondo de Cooperación máis transparente e con moita maior dotación, “un instrumento que sexa comparable ao que na Deputación chámase Plan Concellos”.

    Na xuntanza do poder municipal socialista (que goberna sobre dúas terceiras partes dos habitantes desta provincia) acordouse reclamar da Xunta de Galicia a aprobación dunha lei específica para regular o Fondo de Cooperación Local, así como o fin das subvencións e convenios discrecionais.

    Explicouse que a Deputación de Pontevedra transfire un 30% dos seus Orzamentos totais aos concellos da provincia en base a instrumentos regrados e con reparto obxectivo. Pola contra, a Xunta só dedica un 2,3% da súa recadación tributaria ao Fondo de Cooperación Local, o que supón un 0,1% do Orzamento autonómico total.

    O presidente da Federación Española de Municipios e Provincias e alcalde de Vigo, Abel Caballero, achegou o dato de que o Estado transfire aos 61 concellos da provincia de Pontevedra, en base á participación local nos tributos estatais, 208 millóns de euros. E o Goberno en funcións acaba de aprobar un incremento dun 7% en concepto de anticipos a conta. Unha cifra que contrasta, e moito, cos 112,9 millóns que a Xunta transfire aos concellos de toda Galicia co FCL.

    Alberto Varela lamentou a discriminación constante da Xunta e ironizou lembrando que o presidente Núñez Feijoo visitou Vilagarcía hai uns días. “Estivo na Praza de Abastos e agardo que, polo menos, mercara algo porque sería o único investimento que deixaría nesta cidade”.

    Varela Paz destacou tamén a importancia das Eleccións Xerais do próximo 10 de novembro e desexou que o PSOE teña “un gran resultado”, para o que, recalcou, é necesario contar co respaldo “dos cidadáns que non se deixan enganar”.

    O PSdeG-PSOE goberna con maioría absoluta en Vilagarcía, Vigo, Ponte Caldelas, Cuntis, O Grove, Tui, Nigrán, Gondomar, Fornelos de Montes, A Illa e Silleda. En base a pactos, como forza máis votada, en Vilaboa, Caldas de Reis e Baiona. E, finalmente, tamén acadou gracias á súa capacidade de diálogo, as alcaldías da Cañiza, Redondela, O Porriño, Forcarei, A Guardia, Meis e Cambados. Un poder municipal que compleméntase co Goberno da Deputación Provincial, onde ostenta 13 dos 27 deputadas/os posibles. David Regades invitou á xuntanza de alcaldes a Alberto García “porque só un pacto contra natura privou á veciñanza de Catoira do alcalde que a xente votou maioritariamente nas urnas”. Xunto con eles estiveron tamén as/os tenentes de alcalde de Pontevedra, Poio, Ponteareas Vila de Cruces, Moaña e Cangas, concellos nos que o PSdeG-PSOE ostenta tenencias de alcaldía e fixo posible gobernos de progreso.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS