12.9 C
Pontevedra
Mércores, 28 de Febreiro de 2024
Máis
    HomeÉ NoticiaEthel Vázquez salienta que o PP é o único partido que garante...

    Ethel Vázquez salienta que o PP é o único partido que garante o remate da VAP Tui-A Guarda

    A candidata do PP pola Coruña e conselleira de Infraestruturas lembrou que 3 dos 4 ramais do enlace de Areas están en servizo e o restante concluirase en semanas nunha visita ao concello de Tomiño xuntoao presidente provincial do PP, Luis López, e a voceira, Lara Meneses

    Ethel Vázquez explicou que a Xunta está a piques de rematar un novo treito desta autovía, o correspondente coa conexión entre os ramais da A-55 e o novo enlace de Areas, xa que tres destes catro viais xa están servizo e o restante farao en poucas semanas tras un investimento de 30 millóns de euros.

    A candidata do PP polaprovincia da Coruña e conselleira de Infraestruturas, Ethe lVázquez, e o presidente provincial do PP de Pontevedra, Luis López, desprazáronse onte ata Tomiño para, xunto á voceira municipal, Lara Meneses, defender que só co Partido Popular está garantido o remate da Vía de Altas Prestacións (VAP) Tui-A Guarda, que beneficiará nun alto grao a mobilidade entre os cinco concellos e os desprazamentos dos seus 50.000 veciños.

    Ademais, a candidata coruñesa revelou que xa se está a traballar “con intensidade” nos demais treitos e anunciou que se iniciou a redacción do proxecto construtivo de prolongación da autovía entre Areas e a estrada autonómica PO-350 en Tomiño, que contará cunha estrutura de grandes dimensións para dispoñer dun paso superior sobre a vía de titularidade rexional.

    “En contra do que quere facer crer o BNG, ademais de definir tecnicamente o proxecto da autovía entre Areas e a PO-350, tamén duplicaremos o paso inferior de acceso aopolígono, de modo que dea funcionalidade a un enlace completo, tamén en sentido A Guarda”, detallou a conselleira.

    Ethel Vázquez concretou tamén que o Goberno galego está a traballar en paralelo no proxecto de trazado cos ramais que completarán o enlace cara Tomiño, unha intervención que precisará de expropiacións e que motiva que os treitos se tramiten de forma separada para axilizar as obras.

    A conselleira, que indicou que os orzamentos da Xunta reservan 1,5 millóns de euros este ano para iniciar a actuación e un total de 50 millóns en partidas plurianuais, lembrou tamén que os executivos autonómicos do PP puxeron en marcha 220 quilómetros de autovías libres de peaxe en toda Galicia, entre os que se atopan o primeiro treito da VAP do Baixo Miño, que se corresponde cos 10 quilómetros entre Goián e A Guarda e que comezou a funcionar no ano 2014, malia a crise económica, grazas a un investimento de 60 millóns de euros.

    Pola súa banda, Luis López, que agradeceu a visita da candidata e a implicación de Alfonso Rueda e da propia conselleira con esta actuación, lamentou que, ante unha obra de gran complexidade técnica, “atopémonos co BNG de sempre, o da obstrucción e o do non, que se limita a poñer atrancos, en moitos casos desde os concellos nos que gobernano sur da provincia, a pedir tramitacións longas e solucións técnicas imposibles que dan a entender que non queren que se faga esta autovía ou, alomenos, que non a faga unha Xunta do PP, malia que iso prexudique enormemente aos 50.000 veciños do Baixo Miño”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.