14.2 C
Pontevedra
Luns, 20 de Setembro de 2021
Máis
    HomeÉ NoticiaCOGAMI recolle propostas que permitirán un curso escolar inclusivo para todo o...

    COGAMI recolle propostas que permitirán un curso escolar inclusivo para todo o alumnado

    A Confederación solicita que a Administración conte coas organizacións de persoas con discapacidade no inicio desta nova etapa escolar

    Tras unha análise da situación das consecuencias causadas polo COVID-19 no alumnado con discapacidade, COGAMI propón medidas para que o novo curso sexa inclusivo e se adapte ás necesidades do alumnado con discapacidade, tanto no ensino presencial como no telemático ou mixto. “Nesta nova realidade non se pode poñer en risco o dereito a unha educación inclusiva e de calidade para todas as persoas”, apunta o presidente de COGAMI, Anxo Queiruga.

    A pandemia deixou latente a existencia dunha fenda dixital: non todas as familias dispoñen de dispositivos, de competencias para o seu manexo ou de conexión a internet apropiada. A isto hai que engadirlle que non sempre a tecnoloxía está adaptada, o que impide o seu acceso a estudantes con discapacidade.

    Co fin de buscar solucións, COGAMI recolle un conxunto de medidas que teñen por finalidade garantir a todas as nenas e nenos unha educación en igualdade de condicións, e proponlle á Administración que conte coas organizacións de persoas con discapacidade para que o curso responda ás demandas do alumnado con necesidades educativas especiais. “O curso escolar ten que producirse coa maior garantía para preservar e protexer a saúde de todas as persoas e con todos os apoios que o alumnado necesita”, engade Queiruga.

    Entre as medidas que propón adoptar COGAMI está a de implementar metodoloxías inclusivas na educación e implantar o enfoque do Deseño Universal para a Aprendizaxe (DUA) en todos os procesos educativos, fomentando a aprendizaxe colaborativa coa finalidade de facilitar a integración da diversidade.

    O alumnado con necesidades educativas especiais debe contar con persoal de apoio para evitar a sobrecarga nas familias, adoptando medidas de conciliación necesarias para aquelas familias con alumnado en modalidade a distancia ou mixta. Esta nova realidade debe de incorporar a perspectiva da discapacidade como elemento transversal, sendo necesario garantir a atención integral centrada na persoa e acorde ás necesidades específicas do alumnado incrementando, no marco da pandemia actual, a coordinación cos centros sanitarios, especialmente naqueles onde haxa alumnado de alto risco con afeccións crónicas vulnerables á infección por Covid-19, contando cun protocolo específico de actuación.

    Outras medidas recollen a necesidade de que os programas educativos fomenten a diversidade e teñan en conta as especificidades do alumnado con necesidades educativas especiais así como proporcionar materiais e recursos necesarios, como por exemplo un profesorado formado en novas tecnoloxías, capacitar ao alumnado e ás familias nas competencias dixitais necesarias, a dotación de persoal de apoio, dispositivos electrónicos, conexión a internet ou contar con produtos de apoio, de cara a dar resposta ás carencias e necesidades que puideran producirse no proceso de ensino-aprendizaxe.

    Por último, dende COGAMI vese necesario reforzar os programas contra o acoso escolar tendo en conta a situación de maior vulnerabilidade do alumnado que ten discapacidade, co fin de detectar e sensibilizar acerca de casos de violencia e abusos na contorna escolar, familiar ou noutros ámbitos, así como desenvolver actuacións para previr o estigma ou discriminación en relación co COVID-19.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS