Cando pasado o tempo fálese do acontecido ao longo do 2023 o concerto de Alejandro Sanz, nunha máxica noite de verán, nos virá a memoria. Moitos poderán dicir: “eu estiven alí”, nun Castrelos que, esta vez máis que nunca, quedou pequeno, moi pequeno para un artista que ten a virtude de ‘encher o escenario’ por máis grande que este sexa.
Mirar e escoitar a Alejandro Sanz reafirma o feito de que hay artistas que trascenden ao seu propio tempo e son capaces de conectar co público independientemente da idade deste. Castrelos foi testemuña de excepción de como un público sen idade emocionouse, vibrou e canto como se non houbera mañá, todos e cada un dos temas que o cantante madrileño, con fondas raíces andaluzas, ofreceu na noite viguesa
Como xa é habitual, o alcalde de Vigo, Abel Caballero, foi o encargado de presentar unha actuación que, nas súas propias palabras “non necesita presentación” e que comezou con certo atraso sobre o horario previsto. Porén, bastaron os primeiros compases de No es lo mismo, tema elixido para abrir o espectáculo, para calmar a impaciencia do público e marcar o inicio do que sería un concerto inesquecible.
Aos temas dos seus últimos traballos, unía Alejandro Sanz outros que, máis que cancións, son xa auténticos himnos como Corazón partío o Amiga mía.
[su_image_carousel source=”media: 74947,74944,74943,74945,74946,74948,74949,74950,74951,74952,74937″ crop=”5:4″ link=”lightbox” autoplay=”0″]
Soubo Alejandro Sanz facer o que está ao alcance de moi poucos, dar tempo ao seu concerto e conseguir que non perdera intensidade nin un só segundo. Si, Alejandro Sanz pasou por Vigo pero parte del, a bo seguro, queda aquí. Nesta terra non se lle canta A Rianxeira a calquera como cantoulla ao artista madrileño un público totalmente entregado.