27.2 C
Pontevedra
Xoves, 18 de Agosto de 2022
Máis
    HomeÉ NoticiaA Xunta destina 31 M€ á vialidade invernal e á conservación da...

    A Xunta destina 31 M€ á vialidade invernal e á conservación da rede de estradas autonómicas en Pontevedra nos vindeiros catro anos

    Os contratos, que se atopan en fase de baremación, aumentaron un 15% e garanten o servizo por catro anos máis un de prórroga

    A Xunta de Galicia, a través da Consellería de Infraestruturas e Mobilidade, vai destinar máis de 31 millóns de euros ás accións de conservación ordinaria e vialidade invernal da rede de estradas autonómicas da provincia de Pontevedra durante os vindeiros catro anos.

    O delegado territorial, Luis López, informou deste investimento, que se atopa en fase de contratación, nunha visita ao centro de conservación de Pontevedra, onde destacou que o Goberno galego incrementou un 15% esta partida “para garantir que as estradas estean nas mellores condicións e os usuarios das vías autonómicas se atopen seguros e atendidos do mellor xeito posible”.

    A Consellería de Infraestruturas sacou a licitación dous concursos públicos a través de senllos lotes. O correspondente coa zona de Pontevedra Norte, que conta cun orzamento de 17,3 millóns de euros para a atención de 776 quilómetros, recibiu 18 ofertas, mentres que o de Pontevedra Sur, licitado por 13,7 millóns para 495 quilómetros, conta con 17 propostas.

    Ambos procedementos, que recollen a contratación do servizo por espazo de catro anos aos que se podería engadir outro de prórroga, atópanse en fase de baremación de ofertas e procederase á súa adxudicación nas vindeiras semanas.

    Os operativos previstos nas dúas zonas da provincia contemplan un dispositivo con 85 persoas, 25 vehículos, 30 máquinas pesadas e 81 lixeiras de xeito xeral, así como oito cuñas quitaneves, cinco esparexedoras de sal, dous estendedores de salmoira e 10.000 toneladas de fundentes para a vialidade invernal, que se desenvolverá, como é habitual, entre os meses de novembro e abril.

    Os traballos coordinaranse dende os tres centros de conservación e os dous subcentros de atención á vialidade e roldarán os 15.249 quilómetros de desbroces, 12.400 toneladas de firmes bituminosos, 4.606 quilómetros de marcas viarias e 868 sinais verticais.

    As tarefas a desenvolver ao abeiro destes contratos contemplan a drenaxe, sinalización, reposición de barreiras de seguridade, rozas, renovación de pavimentos, sostemento dos noiros, atención en desperfectos das infraestruturas, emerxencias e accidentes, labores de vixilancia e inspección e mantemento axeitado das vías ante condicións climáticas adversas.

    “O elevado volume deste investimento, que ademais aumenta considerablemente, confirma a aposta da Xunta pola mobilidade segura e polo bo estado dos 1.271 quilómetros das infraestruturas viarias autonómicas da provincia de Pontevedra”, especificou o delegado territorial.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS