16.4 C
Pontevedra
Venres, 14 de Xuño de 2024
Máis
    HomeComarcasRedondelaO Grupo Socialista reclámalle á Xunta que faga a humanización da Avenida...

    O Grupo Socialista reclámalle á Xunta que faga a humanización da Avenida de Vigo en Chapela

    Leticia Gallego denuncia no Parlamento a “deslealdade e abandono” de Redondela por parte da Xunta ao bloquear as obras da avenida Mendiño e impedir a nova escola infantil de Chapela

    A parlamentaria socialista Leticia Gallego vén de presentar unha pregunta oral no Pleno do Parlamento celebrado hoxe na que lle esixiu á Xunta que execute as obras de humanización a avenida de Vigo, en Chapela, Redondela. As obras, comprometidas dende 2017 a través dun convenio de colaboración co concello, permanecen paradas dende que rematou a primeira fase das obras en 2018.

    Gallego alertou de que o goberno galego deixou a actuación fóra dos Orzamentos deste ano, e mesmo impediron aprobar a emenda presentada polos socialistas galegos para levar adiante esta obra, o que demostra que “o proxecto non era máis que un anuncio puramente electoralista”. Esixiulle ao goberno galego que cumpra cos compromisos adquiridos co concello e a cidadanía de Redondela para humanizar esta vía de competencia autonómica.

    Advertiu que “a realidade é que hai beirarrúas totalmente inaccesibles, están rotas, con tramos inexistentes e con elementos que entorpecen o paso de calquera cadeira de rodas ou carriño de bebé”. Reclamou a mesma “celeridade e igualdade” de trato en tódolos concellos de Galicia, porque “a Xunta de Galicia ten que traballar para tódolos galegos e galegas, non só para a xente dalgúns concellos”.

    Denunciou a “falla de respecto institucional”, a “deslealdade” do goberno galego coa vila, que ten “totalmente abandonada”, xa que ademais de deixar sen completar esta obra, manteñen bloqueadas as obras da avenida Mendiño, e lle teñen negado a construción dunha nova escola infantil para Chapela. Dixo que “os veciños e veciñas de Redondela merecen un respecto e o cumprimento dos acordos sen mirar as cores políticas do Concello”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.