10.2 C
Pontevedra
Venres, 29 de Marzo de 2024
Máis
    HomeComarcasRedondelaAER consegue o respaldo da veciñanza e presenta unha candidatura con experiencia...

    AER consegue o respaldo da veciñanza e presenta unha candidatura con experiencia en política local

    A Agrupación agradece ás máis de 500 persoas que asinaron e que permiten que concorran a estes comicios electorais por cuarta vez en 12 anos

    A Agrupación de Electores de Redondela. AER, confirma que concorrerán ás vindeiras eleccións municipais logo de acadar máis de 500 sinaturas da veciñanza. Como vén sendo habitual, as sinaturas foron recollidas por representanes da Agrupación durante dez días e a pé de rúa en diferentes ubicacións de Redondela.

    “Agradecemos á veciñanza de Redondela que nos permitan volver a presentarnos, sobre todo a aquelas e aqueles que, sendo doutra ideoloxía polítca, amosan así o seu talante democrático. Trátase da cuarta vez que o conseguimos nestes 12 anos, o que supón un fito nacional sen precedentes”, destacan desde a Agrupación.

    AER aposta pola continuidade e a experiencia na política local nos cinco primeiros postos da súa candidatura, no que tamén hai espazo para a renovación. Encabezando a lista atópase Roberto Villar, ao que dende a formación asemblearia cualifican de “incansable traballador por Redondela”, experto en políticas locais medioambientais e concelleiro de Medioambiente nos dous primeiros anos deste mandato.

    No número dous repite Daniel Boullosa, que xa demostrou tamén a súa implicación no ámbito cultural e turístico, ocupando o cargo de concelleiro no goberno municipal. No número tres irá Jose Carlos Orge, profesor da Facultade de Ciencias Xurídicas e do Traballo da Universidade de Vigo e experto en economía de empresa. En cuarto lugar, incopórase a traballadora social Alba de Jong, e, no quinto posto, repite na candidatura a docente Carmela Darriba.

    A candidatura nútrese, polo tanto da experiencia que xa amosaron tanto Villar como Boullosa na política municipal liderando grandes iniciativas a prol de Reondela, a presenza dun destacado economista, a ilusión de Alba de Jong e o coñecemento no eido científico de Darriba nun proxecto que prentede “dar continuidade ao traballo feito neste mandato aproveitando a experiencia, pero tamén querendo incorporar novas ideas e propostas democráticas que teñan cabida no noso xeito de defender Redondela e a súa veciñanza”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.