9.6 C
Pontevedra
Xoves, 28 de Marzo de 2024
Máis
    HomeComarcasRedondelaA Xunta sinala que a planificación escolar en Redondela responde a criterios...

    A Xunta sinala que a planificación escolar en Redondela responde a criterios técnicos e haberá que ter en conta as novas modalidades da lei de educación

    O conselleiro de Cultura, Educación e Universidade, Román Rodríguez, explicou onte no Parlamento de Galicia que o seu departamento está traballando “desde unha perspectiva técnica e obxectiva” para abordar a planificación educativa de Redondela de xeito que “artellemos a resposta máis axeitada ás demandas da comunidade escolar tendo en conta a nova normativa estatal en materia de Bacharelato”.

    Román Rodríguez referiuse así á lei de Educación (LOMLOE) que para o vindeiro curso introduce unha nova organización do ensino que no que atinxe ao Bacharelato que vai afectar a Galicia e ao conxunto de España. “Estamos en pleno proceso de adaptación da nova lei, que vai afectar aos bacharelatos incluído o de Artes, xa que -explicou- se dividirá na modalidade de Artes Escénicas e de Artes Plásticas”.

    Na súa intervención ante o Pleno da Cámara autonómica, o titular de Educación lamentou que o retraso do Goberno do Estado en publicar os currículos que deberán rexer para o próximo curso impide ás comunidades autónomas coñecer os detalles de implantación destas novas modalidades e, deste xeito, deseñar a planificación do ensino dun xeito certeiro e real.

    En contacto cos centros

    Lembrou ademais que o seu departamento, a través da Inspección Educativa, leva tempo mantendo reunións cos centros educativos do Concello e avaliando a situación real.

    A día de hoxe, os catro institutos deste concello dispoñen de prazas suficientes para atender ao alumnado e, no caso concreto da modalidade de Artes, as solicitudes reais de matrícula apenas chegaron a unha decena. Con todo, asegurou que desde o Goberno galego “entendemos e respectamos” as demandas das familias, e comprometeuse a seguir traballando “desde o diálogo” para asegurar unha resposta axeitada “desde unha perspectiva real, técnica e obxectiva”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.