18.2 C
Pontevedra
Luns, 17 de Xuño de 2024
Máis
    HomeO CondadoPonteareasPonteareas estrea nova web “renovada e adaptada ás necesidades da cidadanía”

    Ponteareas estrea nova web “renovada e adaptada ás necesidades da cidadanía”

    A accesibilidade e a intuición, principais características deste novo portal

    O Concello presenta a súa nova páxina web institucional. Esta actualización chega como resposta á necesidade da cidadanía dun espazo dixital renovado, accesible e intuitivo, adaptado aos novos tempos.

    Neste novo portal, as persoas usuarias poderán estar informadas en todo momento do referente a trámites administrativos, información institucional e demais acontecementos e novas que suceden na vila a diario, grazas á actualización da web. 

    Ademais, accederán dunha maneira sinxela á información necesaria para solicitar axudas ou realizar diferentes trámites online. Tamén conta cun apartado directo no que a cidadanía se poderá dirixir á alcaldesa. 

    Deste xeito, navegar pola nova páxina é sinxelo grazas ao seu fácil acceso e intuición, froito do traballo de empregados e empregadas municipais. De feito, o seu deseño e execución deste novo espazo web proceden de recursos propios do Concello. 

    Esta renovación chega nun momento de cambio a nivel tecnolóxico global, no que a actualización e adaptación aos novos contextos é clave para un correcto desenvolvemento das accións administrativas e sociais no municipio. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.